LlGC Llsgr. Peniarth 19 – tudalen 47v
Brut y Brenhinoedd
47v
191
a dywedut a|wnaỽn yn|bot a
chennadỽri gennym att gan
amheraỽdyr ruuein att eu+
daf vrenhin ynys prydein.
ac ueỻy drỽy ymadraỽd clae+
ar keissyaỽ tagnefedu ac ỽynt.
A gỽedy bot yn ragadỽy|bod
y baỽb o·honunt yr ymadra+
ỽd yr ymadraỽd hỽnnỽ. Sef
a|oruc meuric kymryt deudeg
wyr o wyr ỻỽydyon aduỽyn+
yon doethon. a|cheing o oliw+
yd yn|y ỻaỽ deheu y bop vn
onadunt. a|dyuot hyt rac
bronn kynan. A gỽedy gỽelet
o|r|brytanyeit y gỽyrda advỽ+
ynyon anrydedus hynny
yn arỽein oliwyd yn|eu dehe ̷+
uoed yn arwyd tagnefed
a|hedỽch. Sef a|wnaethant
kyuodi yn enrydedus yn
eu|herbyn. ac ual y doethant
rac bronn kynan y hanner
chaffant y gan amheraỽdyr
ruuein a|e sened. a menegi
a|wnaethant ry anuon max+
en a|chennadỽri ganthaỽ y
gan amherodron ruuein
att eudaf vrenhin ynys
brydein. Ac yna y govynaỽd
kynan meiradaỽc. pa achaỽs
y dathoed ỻu kymeint a|hỽnnỽ
ganthaỽ. a|dywedut nat oed
yn debyc y gerdetyat kenna+
deu namyn y gerdetyat ge+
192
lynyon a vynnynt anreithaỽ
gỽladoed. Ac yna y dywaỽt y
kennadeu nat oed dec kerdet
gỽr kyfurd a maxen yn an·o+
gonedus heb luossogrỽyd o
gedymdeithyon enrydedus y+
gyt ac ef. kanys ueỻy y mae
teilỽg kerdet ygyt a phob
un o amherodron ruuein rac
kael perigyl a chewilyd y|gan
eu gelynyon. kerdet toruoed
ỻawer a|bydinoed y eu kadw y
ford y kerdont. Tagnefed a ge+
issant. tagnefed a|dyborthant
ac arỽyd yỽ hynny yr pan do+
ethant y dir yr ynys hon ny
wnaethant sarhaet na|threis
y neb. namyn yr eur ac ary+
ant prynu eu kyfreideu me+
gys kenedyl dyborthaỽdyr hed+
ỽch heb nac o dreis nac yn
rat dim y|gan neb. Ac ual yd
oed kynan meiradaỽc yn pe+
trussaỽ beth a|wnelei ae ymlad
ac ỽynt ae hedychu dynes+
sau attaỽ a|wnaeth karadaỽc
Jarỻ kernyỽ a gỽyrda ygyt
ac ef a chyghori hedychu ac
ỽynt. a|chyt bei drỽc gan gy+
nan rodi hedỽch a|wnaethpỽyt
udunt. a|dỽyn maxen ygyt
ac ỽynt hyt yn|ỻundein att
eudaf vrenhin y brytanyeit. a
dywedut mal y|daroed idaỽ.
A C yna y kymerth karadawc
| « p 47r | p 48r » |