Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 107r

Ystoria Carolo Magno: Can Rolant

107r

191

y|benn dyỽedut val hynn. A vo
kedemeith ymi heb ef. ac a|di+
gryfhao hediỽ o ỽeith gỽraỽl ymly+
net vivi. Oliuer y|ffydlonaf
getymeith ef a|doeth attaỽ yn
diannot. ac yn|y ol yntev y deu+
dec gogyuurd. a thurpin arch+
escop. a llaỽered y·gyt ac ỽynt
o|r|a|oed honneit ac amlỽc bot
grỽndỽal kedernyt gantunt.
ac yn vn vomeit* sef yr oed
hynny deugeinvet rann aỽr.
yd ym·gynnullyssant ygyt at
rolond vgein mil o|ỽyr mil da.
pan oed digaỽn gantaỽ yntev
caffel mil o ỽyr grymus. ny a+
allỽys eissoes gỽrthlad o|e get+
ymeithas y saỽl ỽyr·da hynny.
yn ym·gynnic idaỽ. ac yna y|ry+
budyaỽd rolond. gỽallter y
ffydlonaf getymeith ef her+
ỽyd meint y|ymdiret y|ffydlon+
der. a|e ỽrogaeth idaỽ ymlaen
paỽb yn|y mod hỽnn. kerdda
yn gyflym vy fydlaỽn. i. a|chy+
mer vil o getymeith a rago+
dỽch y ffyrd. a|r mynyded rac
caffel arnam ỽall. a chaffel
collet yn dirubud y|gan yn gel+
ynyon. Mi a|dylyaf bot yn vf+
yd waredaỽc yt heb·y gỽallter
ac na synnya yn llesc yn|y gỽ+
assannaeth hỽnn. a chyn ter+
uynu y atteb brathu y|varch
y ragot y|mynyded. a|r ffyrd y+
gyt a|mil o|getymeithon. Oger

192

o den·marc a raculaennỽys yn ge  ̷ ̷+
itỽat o vlaen y|niuer a|athoed
y|freinc. ac ychydic o riuedi y+
gyt ac ef. canyt oed perigyl
hayach yn|y geitỽadaeth honno.
Rolond yntev aa* |edeỽit yn|yr ys+
paen a llaỽer y·gyt ac ef o ỽyr
deỽr clotuaỽr. a phan yttoedynt
yn kyrchu glynnev y|mieri. na+
chaf brỽydyr diarỽybot vdunt
trỽy vrat gỽenỽlyd. Mynyded
vchel godyỽyll a glynneu issel
godyỽyll adan y|mynyded. a fford
d·yrys gyuyg a garỽ. y|peth a  ̷
vlinhaei yn vaỽr y ffreinc a|oed  ̷+
dynt yn adaỽ pyrth yr yspaenn.
ac odyna y gỽelynt dayar gỽas+
gỽyn. ac yna y dugant ar gof
eu gỽraged tec. ac eu plant. ac
eu pressỽyluaeu yn prytuerth
yn|y gỽlat. ac o achaỽs hynny
kyffroi paỽb onadunt ar ỽylaỽ
o hiraeth eithyr y brenhin e|hun.
Nyt o hiraeth am|ffreinc ha+
gen yd ỽylei ef namyn o ry a+
daỽ rolond yn|yr yspaen. ac ar
venegi idaỽ y|perigil trỽy y hun
ony|s tỽyllei y vreudỽydonn.
Naym a ovynnỽys y charlym+
aen py achaỽs yd ỽylei yntev.
ac atteb a|oruc y brenhin idaỽ.
ry ỽelet ohonaỽ trỽy y hun
diruaỽ* gollet y|ffreinc trỽy
wenỽlyd. a|e vot yntev yn of  ̷ ̷+
uynhav am rolond a|e getym+
eithon. a|thygu a oruc ef o