LlGC Llsgr. Peniarth 20 – tudalen 342
Gramadeg y Penceirddiaid
342
1
ac o betheu ereill ys+
prydolyon anrydedus.
Darystyngedigyon a
volir o|y haeloni a|y
boned a|y buched a|y
deuodeu a|y halusse+
neu a|y hanryded a|y
donyeu. ac o betheu
ereill adwyn. Deu
ryw greuydwyr y+
syd. nyt amgen. pre+
ladyeit val abadeu
a|phroryeit*. a darys+
tyngedigyon val bro+
dyr a menych. a chre+
uydwyr ereill. Pre+
ladyeit kreuydwyr
a volir megys pre+
ladyeit ereill ac y
gyt a|hynny o|y kre+
uyd ac eu buched ac
eu santeidrwyd ac
eu dwywolyon wa+
ssanaetheu ac eu
nefawl ac yspryda+
wl garyat ar duw.
ac o gyfyawn lywo+
draeth ar eu darys+
2
tyngedigyon greuyd+
wyr ereill. kreuyd+
wyr ereill darystyng+
edigyon a volir oc eu
huuyddawt a|y darys+
tyngedigrwyd y|duw
ac eu preladyeit ac
o betheu ereill nefo+
lyon ysprydawl.
Deu|ryw ysgolhei+
gyon bydawl ysyd.
nyt amgen. athra+
on a|disgyblyon.
Athraon a volir oc
eu keluydodeu a|y
gwybodeu ac vch+
elder natur a chyf+
reithyeu a blaenw+
yd kanon a budygo+
laetheu yn ymrys+
soneu a doethinab
ar ouynneu a gyllyng+
eu drwy ethrylith
a cheluydodeu a dos+
parth. Disgybly+
on a volir oc eu dy+
sc a|y hethrylith a|y
gwybodeu a|y hadw+
| « p 341 | p 343 » |