LlGC Llsgr. Peniarth 19 – tudalen 50v
Brut y Brenhinoedd
50v
207
ac adaỽ agkreifft udunt
y wneuthur aeruaeu. ac er+
chi udunt adeilyat kestyỻ
ar lann y mor yn|y porth+
uaeu y bei disgynuaeu
ỻogeu ỽrth gadỽ eu gỽlat
ohonunt rac eu gelynyon.
Ac eissyoes haỽs yỽ gỽne+
uthur hebaỽc o|r barcut
no gwneuthur bilaen yn
disgedic ar vrỽydyr. Pỽy
bynnac a rodo dysc o anod+
yn doethineb idaỽ. kynhe+
byc yỽ y|r neb a|wasgarei
gemeu maỽrweirthyaỽc
dan draet moch. ac yna ky+
chwyn a|wnaeth gỽyr ruue+
in ymeith megys ar vedyr
na delynt y|r ynys drach+
efyn. ac ar hynny nachaf
y racdywededigyon elyny+
on uchot Gwinwas a mel+
was yn|dineu o|r ỻogeu y|r
tir. a ỻawer o niuer gan+
thunt o|r gỽydyl a|r yscot+
tyeit a|r fichteit. a|r ỻych+
lynwyr. a gwyr denmarc
a phob kenedyl o|r a|aỻys+
sant y gaffel y·gyt ac ỽynt.
a goresgyn yr alban yn|di+
annot o vyỽn y|r mur. A gỽ+
edy gỽybot ohonunt ry
vynet gỽyr ruuein ymeith
heb obeith o|e hymch˄oylutut* dra+
chefyn ehofnach noc y gnot+
208
teynt yd ymrannassant y
distryỽ y mur. ac yna y gos ̷+
sodet y hamdiffyn ỽynteu y
bileinỻu diaruot agkyfrỽys
ar ymlad. paraỽt y ffo pei as
ỻyuassynt. ac ny orfoỽyssynt
eu gelynyon o vỽrỽ agheuo+
lyon ergytyeu yn eu plith
ac o vỽrỽ bacheu gỽrthỽyne+
baỽc ỽrth linynneu. Ac veỻy
y trymyon vileinỻu o|r kestyỻ
ac o|r kaeroed a|tynnynt hyt
y ỻaỽr. ac yna drỽy amryỽ
boeneu y gorfennynt eu
hageu. A|digaỽn o|didan ac
o da oed gan y neb a gaffei y
ryỽ agheu hỽnnỽ arnaỽ rac
amryuaelyon boeneu a wel+
ynt y wneuthur ar eu kened+
yl a|e kedymdeithyon yn eu
gỽyd. Oi|a|duỽ maỽr a beth
yỽ gỽelet dwywaỽl dial ar y
bobyl am eu hen bechodeu
kanys pei bydynt yna y|saỽl
varchogyon a|dugassei vax+
en ganthaỽ drỽy y ynvydrỽyd
a|e syberỽyt ny deuei bobyl
y ynys brydein a|aỻei oruot
arnadunt. ac amlỽc oed bot
yn wir hynny. hyt tra vuant
ỽynt a oresgynnassant y gỽla+
doed a|r brenhinyaetheu agos
ac o beỻ y ỽrthunt. ac a gyn+
helynt ynys brydein hefyt
yn araf ac yn|hedỽch. ac ueỻy
| « p 50r | p 51r » |