Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 112r

Ystoria Carolo Magno: Can Rolant

112r

211

gantaỽ. a dialỽys y gollet arall
ac a|didanỽys y dolur trỽy dol+
ur arall. O|r can mil hagen o|r
pagannyeit ry doeth yn gyntaf
am benn y|freinc ny diegis yr vn
namyn margarit e|hun. a hỽn+
nỽ a|datkanaỽd y|varsli aerua
y ỽyr. ac odyna marỽ vu yn  ̷ ̷+
tev canys briỽaỽ ry ỽna·ethoed
y daryan a|e harỽest etỽa am|y
dỽrnn. a thorri y ỽayỽ. a|briỽaỽ
y luryc. a thorri y helym. a|e
benfestin. a briỽaỽ y benn. a|phe+
deir gỽeli yn|y gorff. a|e gledyf
noeth yn|y laỽ. yn ỽaetlyt yd
edeỽis y|maes yn lladedic hay+
ach heb vaỽr geryd. ac y foes
nyt yn an·adỽyn. ac adaỽ y gan
mil o getymeithon yn veirỽ
ỽedy ry|lad. A gỽedy dyuot
margarit rac bronn marsli
vrenhin yn|y ỽed honno nyt
val gỽr llỽfyr. a foaỽdyr. y gyg+
hori a oruc val hynn. Marsli
vrenhin yr yspaen heb ef reit
yỽ yt yr aỽr honn. a|thi a|th ni+
uer marchogaeth yn erbyn y
freinc a|th lu yn diannot. ca  ̷+
nys o gellir goruot arnunt.
yr aỽr honn y|mae haỽssaf. bri+
ỽedic yỽ eu taryanev. a briỽe+
dic y cleuydev. a gỽayỽar. a
llaỽer o varchogyon deỽr ona+
dunt ry dygỽydassant yn|yr
ymlad. a blin ynt ỽy o lauur
yn yn llad ni. a llaỽer gỽedy

212

eu gỽanhav. ac eu diffrỽythaỽ
yn vaỽr oc eu gỽeliev. a cholli
eu gỽaet. ac ỽrth hynny yn
diannot y|mae dechrev brỽydr
ac ỽy tra vo haỽsaf goruot ar  ̷+
nunt. yn diannot y|mae dial
ar y rei syberỽ aghev. a|gỽaet
yn gỽyr ni. A gỽedy ymadrod+
yon y|gennat. yn diannot y pa+
gannyeit a|ỽisgassant eu har+
uev. ac a ymlunyeithassant
yn vidinoed. a marsli a tyỽys+
sỽys. ar hyt glyn coedaỽc val
y gellynt yn dirybudyach dy+
uot am benn y freinc. a phan
yttoedynt yn gyuagos y|r freinc
y|dyỽat marsli ỽrth y niuer
val hynn. Rolond heb ef yssy
gadarnnaf gỽr. a goreugỽyr
yỽ y getymeithon. a chany|th*
tyccya brỽydraỽ o|r neilltu v+
dunt. reit yỽ llunyeithaỽ brỽ+
ydr o bop parth vdunt y eu gor+
chyuygv. Mivi heb ef a|dri+
gyaf y·dan y brynn hỽnn a dec
bydin genhym. ac aet gran+
don gỽr deỽr yỽ hỽnnỽ a dec
bydin ereill gantaỽ y ym·er+
byn a|r freinc. Ac a chygor y
brenhin y kyttsynnỽys paỽb.
ac yna y gelỽit grandon at
y brenhin y rodi idaỽ arglỽydi+
aeth ar|y dec bydin hynny. ac
ystondard eureit hynot o gỽ+
byl. ac a·dan y brynn hỽnnỽ
y|trigỽys marsli. a|e niuer.