LlGC Llsgr. Peniarth 19 – tudalen 55r
Brut y Brenhinoedd
55r
225
A |Gỽedy kaffel o wrtheyrn
y vudugolyaeth honno
drỽy y saesson. ynteu a amyl+
haaỽd yn|y ỻe rodyon udunt
ỽynteu. ac y hengyst eu tyỽ+
yssaỽc y rodes yn sỽyd lindy+
sei tir a daear megys y gaỻei
ymosymeithyaỽ yn da o·ho+
naỽ. ac ef a|e gytuarchogyon.
ac odyna mal yd oed hengyst
yn wr doeth caỻ ystrywys.
gỽedy gỽybot o·honaỽ ry
gaffel kedymdeithyas y bren+
hin a|e garyat. Sef a|wna+
eth ymadraỽd a|r brenhin
yn|y wed hon arglỽyd heb
ef dy elynyon di yssyd yn
ryuelu arnat o|bop parth
a hyt y gwelir y mi hefyt
bychydic o wyr dy deyrnas
a|th gar. kanys eu kan
mỽyaf a|glywaf y|th ogyf+
adaỽ di am dỽyn emrys
wledic o|lydaỽ am dy benn
y|th diot o|th vrenhinyaeth.
Ac ỽrth hynny os da gennyt
ti. ac o|r byd ragadỽy bod it.
kyghor yỽ gennyf anvon ken+
nadeu hyt vyg gỽlat i y
wahaỽd marchogyon mar+
chogyon etto odyno megys
y bo mỽy a chadarnach yn
niuer ỽrth ymlad a|th elyny+
on ditheu. Ac ygyt a hynny
hefyt vn arch a|archaf itt.
226
pei na bei rac vyg|gomed o+
honei. Ac yna y dywaỽt y bren+
hin. Anuon di dy gennadeu
heb ef yn diannot hyt yn|ger+
mania y wahaỽd odyno kym+
meint ac a|vynnych. ac o·dyna
arch y minneu. a pha|beth
bynnac a|erchych ti a|e keffy.
Ac yna gostỽg y benn a|w+
naeth hengyst a|diolch idaỽ
hynny. a|dywedut ỽrthaỽ ual
hynn. Tydi arglỽyd heb ef
a|m kyuoethogeist i ac a rod+
eist y|m eisteduaeu amyl o|dir
o dir a daear. ac eissyoes nyt
megys y gỽedei enrydedu ty+
wyssaỽc a|hanffei o|lin bren+
hined. Sef achaỽs yỽ ti a
dylyut rodi ym ae kasteỻ ae
dinas gyt ac a rodut. Megys
y|m gỽelit inneu yn enrydedus
ym·plith y tywyssogyon Ac
yna y rodes gỽrtheyrn att+
eb idaỽ. A wrda heb ef vyg
gwahard i a|wnaethpỽyt rac
rodi y ryỽ rodyon hynny
ytti. kanys estraỽn genedyl
a|phaganyeit yỽch. ac nat
atwaen inneu etto na|ch mo+
esseu chỽi na|ch deuodeu me+
gys y gaỻỽyf y|ch kyffelybu
y|m kiwdaỽtwyr. kanys pei
dechreuỽn i ych anrydedu
chỽi megys kenedyl briaỽt
yr ynys Gỽyrda y deyrnas
| « p 54v | p 55v » |