Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 118r

Ystoria Carolo Magno: Can Rolant

118r

235

eglỽyssev ef. ac eu dodi yn|y van+
taỽl a mỽy y|tynnaỽd hynny ar
da no|e bechodeu ef. ac am hynny
y duc ef yr eneit y|gennhym ni. ac
ar hynny diulannv a oruc y ky  ̷+
threul ymeith. ac am hynny y dy+
allaỽd turpin archescop myi my+
net charlamen y orffỽys trỽy
ganhorthỽy iago ebostol y|gỽn+
aethoed charlymaen eglỽyssev
idaỽ. canys daroed idaỽ y|dyd y
gỽahanyssynt o vien anuon o bop
vn onadunt ar y gilyd y damỽ  ̷+
ein a|darffei vdunt. A phann
oed wann ef a|dyuot cof idaỽ
y amot a|thurpin. Sef yd erch+
is y vap maeth idaỽ o varchaỽc
pan adnapei bot ef yn agos y|aghev
anuon ar turpin. ac yny vu py+
theỽnos ỽedy hynny nyt anuon+
et. a menegi idaỽ heuyt na bu+
assei yach na nos na dyd yr pan
dathoed o|r yspaen. a|ry|wneuthur
onadunt arỽylant y|merthyri
a|verthyrỽyt yno. pob blỽydyn
tra vu vyỽ yn enrydedus o eur ac
aryant. a bỽyt. a|diaỽt. a dillat.
mal y|dyỽetpỽyt vry o|r blaen.
ac offerennev. a sallỽyrev. a gỽa+
ssannaeth marỽ. Ac yn|yr vn
dyd a|r vn aỽr y gỽelsei turpin
y|ỽeledigaeth y buassei varỽ char+
lymaen. nyt amgen no|r petỽer+
yd dyd kynn kalan chỽefraỽr
y|petỽared vlỽdyn ar dec ac ỽyth
gant oed oet iessu grist yna.

236

Ac yn eglỽys gron yr arglỽy+
des veir a ỽnaethoed e|hun yn
dỽfyr y|graỽn yn|ymlev* lodii
y cladỽyt yn enrydedus. ac ef
a|dyỽedir dyuot arỽydon y
agheu ef teir blyned kynn y|va+
rỽ. nyt amgen duaỽ o|r heul
a|r lloer seith niỽarnaỽt ar vn
tu. a|e enỽ yntev a|daroed y|ys+
criuennv ar baret yr eglỽys a*
vchot a|dyỽetpỽyt. Nyt am  ̷ ̷+
gen charlymaen brenhin fre  ̷ ̷+
inc a beris e|hun y|dilev y porth
maỽr a oed yrỽg yr eglỽys a|r
neuad a|dyỽetpỽyt vchot. diỽ+
ieu gyfachauel* a dygyỽydaỽd
o|r grỽndỽal. Pont brenn a|vu+
assei yno seith mlyned ar afon
remi. a gaỽssit cost a|llauur y+
n|y hadeilat. a|doeth tan yndi
e hun yny losces hyt y dayar.
A diỽarnaỽt yd oed charlyma+
en yn kerdet o le y gilyd. ar diỽ+
arnaỽt anhegar nyỽlaỽc na+
chaf y gỽelei flam las o|tan
yn|kerdet yn vuan. val y bei
flam o|gynnev. yn kerdet o|r tu
dehev idaỽ parth a|r assev. gan|y
ỽyneb. a drychynu* rac y|tan
a|oruc a dygyỽydaỽ y ar y varch
y|tu assev. a dygỽydaỽ y heba+
ỽc y ar y laỽ y|tu arall y|r march.
ac yn gyflym y achub o|e ỽyr ef
a|e gyuodi y|vynyd. Ac am
hynny y|mae diogel gennhym
ni y vot ef yn rannaỽc ar gor+