LlGC Llsgr. 20143A – tudalen 62r
Llyfr Blegywryd
62r
243
ỽyd kyfreith sefyll
myỽn dadyl gyr·bron
braỽdỽr y holi neu y a+
tteb trỽy vreint any+
anaỽl neu trỽy vrein+
t tir mal breyr neu
arall. Eil yỽ dyn egl+
ỽyssic rỽymedic yn ur+
deu kyssecredic. Try·dyd yw
dyn e·glỽyssic rỽyme+
dic ẏ|ghyfreith kany
dychaỽn neb herỽyd
kyfreith rodi gỽstyl
yn erbyn braỽt onyt
dan perigyl gỽerth
y davaỽt ac nyt oes
ỽerth gossodedic y|gh+
yfreith hyỽel ar aela+
ỽt a|gỽaet a sarhaet
dyn eglỽyssic ac ỽrth
244
hynny ny|eill neb o+
honunt ỽy rodi gỽy+
styl yn erbyn braỽt
na chyt a braỽt holl
argyỽet segyrllyd
a|wneler y dyn eglỽys+
sic a dylyir y emen*+
danu idaỽ yn sened
herỽyd kyfreith eglỽ+
ys T·ri ffeth a dyly
pob braỽdỽr y war+
andaỽ y gan y dad+
leuỽyr kyn b·arnu
neb o·honunt yn en+
nill nac y|gholled n+
yt amgen cỽyn a|de+
issyf ac atteb P·ỽy
bynhac a gollo peth
trỽy varn tremyc
ef a dychaỽn rodi gỽ+
| « p 61v | p 62v » |