LlGC Llsgr. Peniarth 19 – tudalen 62r
Brut y Brenhinoedd
62r
253
tloed honno a lauuryant o|e dir+
geleu o amryuaelyon gudedi+
gaetheu. ỽrth hynny beth byn+
nac a|dotter arnadunt. furyf
corf araỻ a|gymer. Kanys daear
yn vein. Mein yn brenn. prenn
yn ỻudỽ. ỻudỽ yn|dỽfyr. o byrir
y arnat a ymchoel yn blỽm.
Yn hynny y drychefir morỽyn
o|r ỻỽyn ỻỽyt y rodi medeginy+
aeth o hynny. Gỽedy profo hon+
no bop keluydyt. o|e hanadyl e
hun y sycha y ffynhonneu o|r
gywedaỽdyr. Odyna y·nyd yn
nachaỽ hitheu. o|e iachỽyaỽdyl
vedyglyn. y kymer yn|y deheu
ỻỽyn kelydon. ac yn|y hassỽ ke+
dernyt muryoed ỻundein. Pa
le bynnac y kerdo hitheu. kam+
eu brỽnstanaỽl a|wna. y|rei a|w+
nant mỽc o deu·dyblic flam. Y
mỽc hỽnnỽ a|gyffry gỽyr rodỽm.
ac a vyd bỽyt y|r rei dan y|mor.
O druein dagreuoed y ỻithyr
hitheu. ac o aruthyr diaspat y
ỻeinỽ yr ynys. y rei hynny a|lad
y karỽ dec keing. y pedwar onad+
unt a|arwedant coroneu eur.
Y chwech ereiỻ a ymchoelant
yn gyrn buelyn neu buffleit. y
rei a|gyffroant teir ynys bryde+
in oc eu hysgymun sein. Yna y
sychir ỻỽyn danet. neu yna y
distryỽir coet y denmarc. ac yn
dynaỽl lef gan ymdroi y ỻefa.
254
Dynessa gymry. a gỽasc ker+
nyỽ ỽrth dy ystlys. a dywet y
gaer wynt. y daear a|th lỽngk.
Symut eistedua dy vugeil y|r
ỻe y disgyn y ỻogeu. ac ymlyn+
ent yr|aelodeu ereiỻ y|penn. ka+
nys dyd a vryssya. yr hỽnn am
eu pechodeu anudon a|diua y
kiỽdaỽtwyr. Gwynder y gỽlan
a|argyweda. ac amryuael liỽ
y rei hynny. Gỽae hi y genedyl
anudonaỽl. kanys kaer arder+
chaỽc a|dygỽyd o|e hachaỽs.
ỻawenhau a|wnant y ỻogeu
o|r veint achỽanec hon. ac vn
o deu a vyd. Draenaỽc gỽrth+
rỽm o auaeleu a|adeilya hon+
no drachevyn. ỽrth arogleu y
rei yd ehedant adar amryuae+
lon lỽyneu. ỻys vaỽr a|adeilya.
Ac o chwech cant tor y kadarn+
heyr. wrth hynny y kyghor+
uynha ỻundein. a|e muryoed
a|achwanecka yn dri·dyblic.
Temys a gylchyna o bop parth
a chwedyl y gỽeith hỽnnỽ a
gerda dros vynheu. yndi y cud
y draenaỽc y auaeleu. a ffyrd
dan y daear a|wna. yn|yr amser
hỽnnỽ y dywedant y|mein. Ar y
mor yd hỽylir y freingk drostaỽ
a|gyfygir ym|byrr yspeit. ac
y ar y dwylann yd ymglywant
y dynyon. a chedernyt yr ynys
a|chwylir. Yna y|damlywychant
| « p 61v | p 62v » |