Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 124r

Ystoria Bown de Hamtwn

124r

259

a|wnaeth boỽn a|e gedymdeithon
yn ryd gyt ac ef. a|dyuot a|wnaeth  ̷ ̷+
ant hyt rac boỽn ermin. ac yna
y dyỽot boỽn ỽrth ermin maỽr
a|beth y dylyỽn i dy garu di boỽn
a|galỽ y verch a wnaeth ac erchi
idi mynet y dynnu arueu boỽn
y ymdanaỽ. a gwedy hynny my  ̷ ̷+
net y|r ystauell y vỽytta a|gwas  ̷ ̷+
sanaythu arnaỽ yn didlaỽt. a
hynny a|wnaeth hitheu yn llaỽen.
a|guedy bỽyta iosian a|dywot ~
ỽrth boỽn. arglỽyd tec heb hi ny
chelaf ragot ac ny allaf y gelu bei
ys|mynnỽn llawer deigyr a ỽyleis
i a|llawer nos y colleis vy|ghysgu
o|th garyat ac ymhỽyth na ỽrthot
titheu vy|gharyat|i ac os gỽrthody
ny byd ym na hoydyl na bywyt
namyn o dicyouein mi a vydaf
varỽ. a|unbennes dec na dala
adlo am hynny can ny weda.
nyt oes nac amheraỽdyr na|bren+
hin na iarll o|r a|th|welei neu a|th
ym ỽypei nybei dda ganthaỽ y
wreica arnat. a|bratmỽnd vren  ̷+
hin gỽr arbennic kyfoethaỽc a
ry|fu y|th geissaỽ ac ny thygaỽd
idaỽ. a minneu gỽr gwlat arall
ỽyf heb na chastell na|thref na
thy y|m helỽ. ac ỽrth hynny hỽy  ̷ ̷+
rach y tycyei a|gwaeth y gwedei
ym ymgyffelybu a|th thydi. a
unben tec bonhedic. na ỽrthot vi.
kanys gwell yỽ genhyf tydi vnben

260

o|th vn|beis no bei kaỽn bren  ̷ ̷+
hin a|uei eidaỽ dec vrenhina  ̷ ̷+
eth. gỽrthodaf y·rof a duỽ heb+
y boỽn. Sef a|wnaeth hitheu
yna diliwaỽ a duaỽ vegys glo
a|dygỽydaỽ y|r llaỽr a lleỽygu.
a|guedy y|chkyuodi* y vyny gell  ̷ ̷+
ỽg y dagreu a|wnaeth ac ỽylaỽ
a|thrỽy y llit y dyỽot hi. gỽir a
dywedeist|i nat oed nac amher  ̷ ̷+
aỽdyr na brenhin ny bei dda gan  ̷ ̷+
thaỽ wreicca arnaf a|thitheu a|m
gỽrthodeist i vegys bilein profa  ̷ ̷+
dỽy. a guell y gueduti yn glaỽd  ̷ ̷+
ỽr yn cladu clodyeu ac yn kerdet
ar dy draet yn anurdedic vegys
pedestyr noc yn varchaỽc vrdaỽl
anrydedus yn llys arbennic a
dos y|th wlat uilein truaỽnt.
a unbennes heb·y boỽn. kelwyd a
geney am ymot i yn vilein truaỽnt
ny henỽyf o|r bileineit. ac amỽs
a royssost|i imi kymer ef ny myn  ̷ ̷+
af dy uacrayth yrdaỽ. a mi a de  ̷ ̷+
bygassỽn ry|daruot im y brynu
yn drut pan enilleis y|th dat ti
verenhinaeth arall hediỽ y arnaỽ
ef. Sef a|wnaeth hitheu yna
dygỽydaỽ y|r llaỽ a llewygu
a|breid na holltes y|challon rac
llit a|blỽg. kyuodi idaỽ ynteu
yna y vyny ac adaỽ yr ystauell
a mynet y dy porthmon o|r dref
a|chyrchu vn o|r guelyeu a|wnaeth
a mynet y orwed yndaỽ a|llitiaỽc