LlGC Llsgr. Peniarth 19 – tudalen 66v
Brut y Brenhinoedd
66v
271
ac eu hannoc ar y wed honno.
ỽynt a aethant yn erbyn
emrys hyt ym maes beli.
kanys y|r ford honno y deuei
emrys a|e lu. ac ỽrth hynny
y mynnei hengyst yn|deissy+
vyt ac yn dirybud dỽyn ỻe+
drat gyrch am benn y bry+
tanyeit a|e hachub yn diar+
uot. a hynny eissyoes nyt
ymgelaỽd rac emrys. ac nyt
annodes kyrchu y maes. na+
myn o|r achaỽs hỽnnỽ y gyr+
chu yn gynt. ac ỽrth hynny
pan weles ef y elynyon. ỻun+
nyaethu a gossot y lu a|oruc
ynteu yn vydinoed. a chym+
ryt teir mil o varchogyon
ỻydaỽ ac eu gossot. yngkym+
mysc a|r ynyssolyon vrytany+
eit. yn eu bydin. Y deheuwyr
a ossodes ar y brynneu o|r ne+
iỻtu udunt. ac sef achaỽs
oed hynny. os y saesson a fo+
ynt. megys y keffynt eu kyf+
ragot pa ford bynnac y ffo+
ynt. ac ar hynny nessau a|o+
ruc eidol tywyssaỽc kaer loeỽ
att y brenhin. a dywedut ỽrth+
aỽ val|hynn Arglỽyd heb ef
digaỽn oed gennyf|i o hoed+
yl pei kanhattei duỽ ymi vn
dyd ym·gyfaruot a hengyst.
kanys diamrysson vydei y
dygỽydei y neiỻ o·honam ni
272
hyt tra ymffustem a|chledyfeu.
Cof yỽ gennym ni y dyd y
doetham ygyt y gỽneuthur
tagnefed. y bredychaỽd ef nyni
oỻ ac eu kyỻeill hiryon y|n ỻad+
yssant oỻ. onyt my|hunan
a|gefeis paỽl kae ac o nerth
hỽnnỽ y diegheis. ac yn|yr vn
dyd hỽnnỽ y ỻadyssant o dyw+
yssogyon a barỽneit pedwar
ugeinwyr a phedwar|cant. a
hynny oỻ yn diarueu. ac yn|y
veint berigyl honno yd|anuo+
nes duỽ ymi baỽl. ac a hỽnnỽ
yd ymdiffereis ac y diegheis.
a hyt tra yttoed eidol yn traethu
yr|ymadrodyon hynny. yd oed
emrys yn annoc y gedymdei+
thon ac yn dodi y hoỻ obeith
ym|mab duỽ. ac odyna yn hy
kyrchu eu gelynyon. ac o vn
vryt ymlad dros eu gỽlat.
A C eissyoes yd oed hengyst
yn|gossot y|wyr ynteu yn
vydinoed. ac yn dyscu pa wed
yd ymledynt. ac yn kerdet trỽ+
ydunt gan dyscu pob vn ar
neiỻtu y vot yn vn lewder ar
ymlad gan baỽb o·nadunt. Ac
o|r|diwed gỽedy ỻunyaethu o
baỽp o bop parth eu bydinoed
kyrchu a|wnaethant y kiwda+
ỽtwyr bydinoed y saesson. a
newidyaỽ damblygedigyon
dyrnodeu. gan dineu ỻawer
| « p 66r | p 67r » |