Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 68v

Brut y Brenhinoedd

68v

279

horeu. y kyuodes eidal escob
ac yn|y wed honn y teruyna+
ỽd y synhỽyr. Gwyr gabaon
a|doethant oc eu bod y erchi
trugared y vrenhin yr israel
ac ỽynt a|e kaỽssant. ac ỽrth
hynny na vydỽn waeth nin+
neu am yn gristonogyon
noc Jdewon y nackau trugared.
Trugared y maent ỽy yn|y
geissyaỽ. a rodir trugared
udunt. amyl yỽ ynys bryde+
in. a ỻawer yssyd diffeith o+
honei. ac ỽrth hynny tagnef+
edỽch ac ỽynt. a gedỽch ỽynt
y gyuanhedu diffeithỽch dan
dragywydaỽl geithiwet yỽch.
Ac ỽrth hynny y brenhin a
vu ỽrth gyghor eidal. ac a rod+
es trugared udunt. ac o
agreiff octa. y doethant ossa
a|r saesson ereiỻ a|ffoyssynt
ygyt ac ef. a thrugared a ga+
ỽssant. ac y rodes y brenhin
udunt yna eistedua geyr+
ỻaỽ yscotlont. ac y kadarn+
haaỽd y gygreir ac ỽynt
dan y arglỽydiaeth ef.
A |Gỽedy gỽelet o emrys y
y* vudugolyaeth ef ar y
elynyon. ef a|elwis attaỽ y tyỽ+
yssogyon Jeirỻ a barỽneit
hyt yg|kaer efraỽc. ac yna y
gorchymynnaỽd udunt atneỽ+
ydu yr eglỽysseu a|e kyuanhedu

280

a|e hanrydedu paỽb ohonunt
yn|y gyuoeth. kanys y saeson
a|r daroed udunt distryỽ yr e+
glỽysseu hyt y daear. a|r brenhin
e|hun a gymerth arnaỽ wneuthur
ar y gost ef eglỽys yr arches+
copty yg|kaer efraỽc. ac y·gyt
a hynny eglỽys pob escopty
yn|y deyrnas oỻ. Ac odyna gỽe+
dy yspeit pymtheg niwarnaỽt.
gỽedy daruot idaỽ ossot seiri
a gỽeithwyr ym·pob ỻe. Ef a|aeth
hyt yn ỻundein y|r|ỻe nyt ar+
bedassei gelynaỽl greulonder.
a dolur vu gan y brenhin gỽe+
let y distryỽ hỽnnỽ. a galỽ y
kiwdaỽtwyr o|bop|ỻe ac ymrodi
o|e hatgyweiryaỽ. Ac ef a ossodes
kyfreitheu y deyrnas ac a|e hat+
newydaỽd. ac a estynnaỽd y
baỽp y dylyet ar dref y dat a
goỻassei yr hen dadeu. Y rei
hynny a|rodes ef y|r meibyon
ac y|r wyron. a|r tired a|goỻass+
ynt eu priodoryon. y rei hyn+
ny a rodes emrys o|e gytuar+
chogyon. A|e hoỻ ynni a|e|hoỻ
lauur oed yn keissyaỽ atnew+
ydu y deyrnas ac adeilyat yr
eglỽysseu. a chadarnhau hed+
ỽch a thagnefed a chyfreitheu.
ac odyna yd aeth hyt yg|kaer
wynt ỽrth lunyaethu ohonaỽ
yno megys ympob vn o|r rei
ereiỻ. A gỽedy gossot o·honaỽ