LlGC Llsgr. Peniarth 19 – tudalen 71r
Brut y Brenhinoedd
71r
289
son hyt yn germania. a gyffro+
es y bobyl honno. a|e hoỻ uar+
chogyon aruaỽc yn erbyn
emrys wledic y geissyaỽ dial
y dat arnaỽ. gan adaỽ udunt
anteruynedic amylder o eur
ac aryant. os trỽy eu nerth ỽy
ac eu kanhorthỽy y gaỻei yn+
teu oresgyn teyrnas ynys bry+
dein. Ac o|r diwed gỽedy daruot
idaỽ drỽy y adaỽeu ef ỻygru
hoỻ Jeuengtit y wlat. paratoi
a|oruc y ỻyges vỽyaf a aỻaỽd
a dyuot hyt y gogled yr ynys.
a dechreu anreithaỽ y gỽladoed.
a gỽedy datkanu hynny y|r
brenhin ynteu a gynuỻaỽd
y hoỻ lu ac a aeth yn eu her+
byn. ac a|elwis ar ymlad y dyỽ+
al elynyon. ac ỽynteu oc eu
bod a ymladassant a|r kiw+
daỽtwyr ac eissyoes drỽy rod
duỽ y kiỽdaỽtwyr a|oruuant.
ac a gymheỻassant eu ge+
lynyon ar ffo. ~ ~ ~ ~ ~
A |Gỽedy kymheỻ pasgen
ar ffo ny lauassaỽd ef
ymchoelut drachefyn y ger+
mania namyn trossi y|hỽy+
leu a|chyrchu hyt att giỻa+
mỽri vrenhin iỽerdon. a hỽnnỽ
a|e herbynnaỽd ef yn enrydedus.
A gỽedy datkanu y anhyg+
hetuenneu a|e direidi y giỻa+
mỽri. Truanhau a|oruc ỽrthaỽ
290
ac adaỽ nerth a chanhorth+
ỽy idaỽ. a chỽynaỽ y sarhaet
a|gaỽssei ynteu y gan y bry+
tanyeit pan|dugassynt cor
y kewri odyno. Ac o|r|diwed
gỽedy kadarnhau kedymdei+
thyas y·rygthunt. paratoi
ỻogeu a|wnaethant. a my+
net yndunt. ac y|gaer vynyỽ
y doethant y|r tir. A gỽedy
honni eu dyuot y|r tir ỽynt
dros y gỽladoed. vthur ben
dragon a gymerth hoỻ var+
chogyon a hoỻ wyr aruaỽc
yr ynys. ac a aeth parth a
chymry ỽrth ymlad a|r|gely+
nyon. Kanys emrys wledic
y vraỽt a|oed yn glaf yn
glaf yg|kaer wynt. ac ỽrth
hynny ny aỻei dyuot y|r
ỻuyd. A gỽedy gỽybot o
basgen a|giỻamỽri hynny.
a|r saesson y·gyt ac ỽynt.
ỻawenhau a|orugant yn
vaỽr. kan tebygynt bot yn
haỽs udunt goresgyn y de+
yrnas. o achaỽs clefyt y
brenhin. Ac ual yd|oedynt
yn|y murmur hỽnnỽ ym+
plith y ỻu. nessau a|oruc
vn o|r saesson att basgen sef
oed y enỽ ef eopa. a dywedut
ual|hynn ỽrthaỽ Beth a|rod+
ut ti o|da heb ef y|r neb a aỻei
lad y brenhin. Pasgen a|dywaỽt
| « p 70v | p 71v » |