Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 72r

Brut y Brenhinoedd

72r

293

araỻ ỻithraỽ yr ysgymun vra+
dỽr aỻan ac nyt ymdangosses
yn|y ỻys o hynny aỻan. a|hyt
tra yttoedynt ỽy ygkylch hyn+
ny yd ymdangosses seren en+
ryued y meint a|e ỻeufer ac
un paladyr idi. ac ar benn y
paladyr hỽnnỽ yd oed peỻen
o dan ar lun dreic. ac o eneu
honno y kerdynt deu baladyr.
a hyt y neiỻ o·nadunt a|welit
yn estynnu dros deruyneu
freingk. a|r ỻaỻ a|welit yn ker+
det parth ac Jwerdon. ac yn|ter+
uynu yn seith baladyr bychein.
A |phan ymdangosses y seren
honno. enryuedaỽt ac ofyn
a|drewis paỽb o|r a|e gỽeles. A
diruaỽr ofyn a gymerth uthur
braỽt y brenhin yn|y ỻe yd oed
y|nghymry yn kyrchu y elyn+
yon. a govyn y baỽp o|r doethyon
a|oed ygyt ac ef beth a arỽydoc+
kaei y seren honno. Ac ym+
plith paỽp o|r rei hynny yd er+
chis ef dyvynnu Myrdin y|r ỻe.
A gỽedy dyuot myrdi a sefyỻ
rac y vronn. vthur a|erchis i+
daỽ damlywychu pa beth a|ar+
ỽydockaei y seren racdywede+
dic uchot. ac yn|y ỻe wylaỽ a
oruc myrdin. a galỽ y yspryt
attaỽ a|dywedut ual|hynn. O
goỻet heb ymwaret. O ymdi+
uat bobyl brytaen. O agheu

294

y bonhedickaf vrenhin y bryta+
nyeit emrys wledic. ac yn|y ag+
heu ef yd abaỻem ni oỻ. pei
na rodei duỽ ynni ganhorthỽy.
Ac ỽrth hynny y bonhedickaf
dywyssaỽc uthur. bryssya di
bryssya di bryssya. ac na ohir
yn gỽneuthur brỽydyr a|th ely+
nyon. Kanys y vudugolyaeth
a vyd y|th laỽ. Ti a|vydy vren+
hin ar ynys brydein oỻ. Ti a
orchyfycka y seren a|r tanaỽl
dreic ydan y seren. Y paladyr
a estyn parth a ffreingk. hỽnnỽ
a|arỽydockaa Mab kyuoethaỽc
a|vyd ytt. a chyuoeth hỽnnỽ a|e
vedyant a|amdiffyn y teyrnas+
soed. ac a vydant y·danaỽ yn
hoỻaỽl. Y paladyr araỻ a estyn
parth a mor Jwerdon a|arỽyd+
ockaa merch a vyd ytt. a mei+
byon honno a|e hỽyron. a|ved+
ant bop eilwers teyrnas y+
nys brydein ~ ~ ~ ~  
A C ual yd oed uthur yn
petrussaỽ ae gỽir ae kel+
wyd a|dywedassei vyrdin am
y seren. Megys y darparyssei
kyrchu parth a|r ỻe yd oed y|e+
lynyon a|oruc. A gỽedy y dy+
uot hyt geyr·ỻaỽ mynyỽ. ac
nat oed namyn ymdeith hanner
dyd y·rygthunt. A gỽedy gỽy+
bot o basgen a giỻamỽri a|r
saesson eu bot yn|dyuot ỽynt