LlGC Llsgr. Peniarth 20 – tudalen 291
Brut y Tywysogion
291
1
a mil oed oet krist.
pan vv varw meistyr ri+
chard o kaer riu. esg+
ob mynyw duw ll+
un nessaf kynn gw+
yl Seint ambros ka+
lan ebrill. ac yn|y ol
y doeth tomas de bec.
y vlwydyn honno y bu
varw phylip goch.
abat ystrat flur. ac
yn|y ol y doeth einnya+
wn seis. dan yr hwnn
y llosges y vanach+
oc wedy hynny. we+
dy hynny nosswyl ve+
ir sannfreid y kana+
wd tomas esgob
mynyw yr efferen
gyntaf a gant yn|y
esgobot ar yr alla+
wr vawr yn eglw+
ys ystrat flur. ody+
na digwyl dewi y
kyssegrwyt ef yn
esgob yn|y eistedua
y mynyw. Blwyd+
yn wedy hynny y ky+
2
myrth dauid vab
gruffud kastell penn+
ardlaoc digwyl Se+
in benet wedy llad
y kastellwyr oll ei+
thyr roger o cliff+
ord arglwyd y kas+
tell. a|phayan de
gamaes. y rei hynny
a garcharawd ef.
Blwydyn wedy
hynny y kauas gru+
ffud vab maredud
a rys vab maelgwn.
digwyl veir gyhy+
ded kastell a|thref
aber·ystwyth ac y
llosgassant ac y dis+
trywassant y mu+
roed ac y rodassant
eu heneideu yr kas+
tellwyr o achaws
nesset dydyeu y diod+
eueint. y dyd hwnnw
y gorysgynnawd
rys ap maelgwn kantref penn+
wedic. a gruffud
kymwt meuenyd.
| « p 290 | p 292 » |