Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 57r

Trioedd Ynys Prydain

57r

329

glỽẏd ẏg kaer greu a|chẏuoeth
ac ẏmlad vdunt drannoeth. ac
eda glin gawr. ac ẏna ẏ llas ell
deu. a|r trẏdẏd teulu ar·lan fer  ̷ ̷+
gan a ẏmadaỽsant ac eu harglỽ  ̷+
ẏd ẏn lledrat ẏ ar ẏ fford ẏn mẏ  ̷+
net gamlan riuedi pob vn o|r teu  ̷ ̷+
luoed vn kanỽr a·r|ugeint. Tri
hualoc eur ẏnẏs brẏdein; Riwall+
aỽn wallt banhadlen. a run a*
maelgỽn. a chatwaladẏr vendi+
geit. ac ẏ·sef achaỽs ẏ|gelwit ẏ
gỽẏr hẏnnẏ ẏn hualogẏon. ỽrth
na cheffit meirch a|berthẏnei v+
dunt rac eu meint. namẏn dodi
hualeu eur am eu hegỽẏdled
ar bedreinieu eu meirch tra|e|ke+
fneu. a|dỽẏ badell eur adan eu
glinieu. ac ỽrth hẏnnẏ ẏ|gelwir
padellec ẏ glin. Tri tharỽ ellẏll
ẏnẏs brẏdein; ellẏll gỽidawl
ac ellẏll llẏr marini. ac ellẏll
gẏrthmỽl wledic. Tri gỽẏd ell  ̷+
ẏll ẏnẏs brẏdein. ellẏll banawc.
ac ellẏll ednẏuedaỽc drẏthẏll;
ac ellẏll melen. Tri trwẏdedaỽc
llẏs arthur. a|thri anuodaỽc; llẏ+
warch hen; a|llemenic a heled.
Tri diweir wreic ẏnẏs brẏdein. ardin
wreic gatcor ap goroluẏn ac eue+
ilian wreic wẏdẏr drỽm. ac eme  ̷+
rchret wreic vabon ap dewengen.
Tri gwaeỽ rud ẏnẏs brẏdein;
degẏnelw vard ẏwein. ac a·rouan
vard seleu ap kẏnan. ac auan
vedic vard. katwallaỽn ap katuan.
Tri goruchel garcharaỽr ẏnẏs
brẏdein; llẏr lledẏeith a uu gan

330

euroswẏd ẏg karchar. a|r eil
mabon ap modron. a|r trẏdẏd
gweir ap geirioed. ac vn a oed
goruchelach no|r tri a uu deirnos
ẏg karchar ẏg kaer oeth ac ano+
eth. ac a uu deir nos ẏg karchar
gan wen bendragon. ac a uu
deir nos ẏg karchar hut adan
lech echemeint. ac y·sef oed ẏ
goruchel garcharaỽr hỽnnỽ
arthur. a|r un gwas a|e gollẏg+
aỽd o|r tri charchar hẏnnẏ. ac
ẏ·sef oed ẏ gỽas hỽnnỽ. Goreu
vab kustenin ẏ geuẏnderỽ
Trioed meirch ẏỽ hẏn.
T Ri rodedicuarch ẏnẏs brẏ+
dein. Meinlas march kas  ̷+
wallaỽn ap beli. a melẏngan
mangre march lleu llaỽ gẏffes.
a lluagor march karadaỽc vre+
ichuras. Tri phrif varch ẏnẏs
brẏdein. Du hir tẏnedic march
kẏnan garwẏn. ac aỽwẏdaỽc
vreichir; march kẏhoret eil
kẏnan. a rud dreon tuthbleid
march gilbert ap katgẏffro.
Tri anreithuarch ẏnẏs brẏ+
dein karnaflaỽc march ẏwein
ap vrẏen. a thauaỽt hir march
katwallaỽn ap katuan. a|buch+
eslom march gỽgaỽn kledẏf
rud. Tri thom edẏstẏr ẏnẏs
brẏdein. gỽineu gỽdỽf hir;
march kei. a grei march edwin
a lluẏd march alser ap mael+
gỽn. Tri gorderchuarch ẏnẏs
brẏdein. ferlas march dalldaf
eil kimin. a gwelwgan gohoeỽgein