LlGC Llsgr. Peniarth 5 (Llyfr Gwyn Rhydderch, rhan 1) – tudalen 142v
Ystoria Bown de Hamtwn
142v
333
eithyr na bydaf lawen byth y|m
bywyt am golli vy mab maeth.
Yna y|kerdaỽd boỽn racdaỽ hyny
deuth y hamtỽn at iosian. a|galỽ
a|oruc attaỽ y holl varchogyon ac
erchi udunt gỽneuthur y sabaot
y athro. ac yna y dywedassant y
mae ofer yd oed yn|dyỽedut. yn
ỽir heb ef y|goruyd arnaỽch hynny
kanys y brenhin a|e ystynnaỽd idaỽ.
a gỽahardadỽyf ỽyf ineu o|r wlat.
arglỽyd heb iosian beth a|daruu
it. ac ynteu a|dywaỽt vy marcho ̷ ̷+
gyon yn ỽylaỽ. ac yna y|dywedei
pob vn ỽrth y gilid. Mat yn ganet
kan yttym yn colli y marchaỽc go ̷ ̷+
reu o gret. Yna y gelỽis iosian ar
boỽn a|gouyn idaỽ pỽy a arwedynt
gyt ac ỽynt a|pha|beth. arglỽyd heb+
y|sabaot; terri vy mab ac scopart
a|ant gyt a|thi. a|chyỽynnu a|orugant
ac y|r mor yd aethant. ac y|ghỽlỽyn
y doethant y|r tir. a|gỽedy bot yno
wers yn sỽiỽrn medylyaỽ a|oruc my ̷ ̷+
net racdaỽ. ac yna y gouynnỽys co ̷ ̷+
part y boỽn beth a|ỽnaei ymdanaỽ
ef. Ynteu a|dywaỽt y mae y adaỽ
gyt a sabaot ac y rodei tir deu varch ̷ ̷+
aỽc idaỽ y ymborth arnaỽ. ac ynteu
a|e|diolches idaỽ ar y eir. ac a ymhoy ̷ ̷+
les yn drist ac yn irllaỽn. eissoes y
dyd a ediỽ a|r nos a deuth. y kymerth
y tỽyllỽr y fford a racdaỽ y kerdaỽd
334
hyny deuth trỽy y mor y mambraỽnt.
ac mal y harganuu y|brenhin ef galỽ
arnaỽ a oruc. a|gouyn idaỽ pa|le bu ̷ ̷+
assei yn trigyaỽ yn yr hyt y bu. ar ̷ ̷+
glỽyd heb ynteu ny chelaf ragot mi a
fuum ys blỽydyn yn keissaỽ y palmer
a|lettyeist ti. ac a|e gỽeleis. Yr mahỽn
py le y|kefeist ef heb y brenhin. yn lloe ̷ ̷+
gyr arglỽyd yn|y lle y mae tir maỽr
idaỽ. ac o achaỽs gỽeithret dybryt a
oruc y varch nyt amgen no llad mab
y brenhin y deholet ef o|r wlat. ac ỽrth
hynny moes ym gant o|r saracineit
deỽraf gyt a mi o|e geissaỽ. kanys ky ̷ ̷+
uarỽyd ỽyf. i. a|heb ohir y parannỽyt*
y|kanỽr idaỽ. a racdunt y kerdassant
hyny doethant hyt yg|kỽlỽyn a|boet
dryc·diwed udunt. ac yna boreugỽeith
yn uore y kyuodes boỽn ac y deuth
sabaot attaỽ y gymryt kenyat y vynet
y|wlat. ac ynteu a|e kenhadaỽd. ac yna
boỽn a|therri a ymdryssassant o eur
ac aryant. ac ar y|tir y bu ganthunt
kỽynuan maỽr a|thristỽch ỽrth ym ̷ ̷+
wahanu ỽynt a|r marchogyon a|sabaot.
a|r marchogyon a gerdassant racdunt.
Hynt boỽn uu mynet trỽy|r mor trỽy
drallaỽt. a|gỽedy eu dyuot y|r tir ys ̷ ̷+
kynnu a|orugant ar eu meirch clot ̷ ̷+
uorus a marchogaeth yny doethant
y fforest. a iosian yn marchogaeth
y·rỽg boỽn a|therri. ac yna dyuot
amser y|thymp idi. ac mor yg uu
| « p 142r | p 143r » |