Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 59v

Trioedd Ynys Prydain, Diarhebion

59v

339

daỽn ẏỽ ẏ gaffel. detwẏdẏt
ẏỽ ẏmgẏnnal ẏndaỽ gỽedẏ
as|kaffer. Tri pheth nẏ|s me  ̷+
dẏr namẏn doeth neu detỽẏd
ẏmadaỽ ac ouered ẏn amse  ̷+
raỽl. ac a godineb. ac a gormod
meddaỽt. Dewisseu dẏn ẏỽ
ẏ varch ẏn vaỽr a|e vilgi ẏn
uuan. a|e dir ẏn dirion. a|e
arglỽẏd ẏn hael. a|e vreic ẏn
duhun diweir. a|e gedẏmdeith
ẏn didỽẏll. a|e welẏ ẏn da.
a|e was ẏn esgutlẏm. Tri
rỽẏd hẏnt. efferen a|chinio
a chedẏmdeith da. Tri afrỽẏd
hẏnt diasbat a drẏckin. ac
ẏmlit. Tri rẏuel ẏn hedỽch.
drẏctir. a|drẏcvreic. a drycar  ̷+
glỽẏd. Tri ẏmborth gỽr. hela.
a chẏfneỽit. ac eredic. Tri thẏ  ̷+
wẏssogeaeth detwẏd. bot ẏn
da ẏ|wassanaeth a|e annẏan
a|e gẏfrinach. a hẏnnẏ nẏ chẏg+
hein namẏn gan gredẏuus  ̷ ̷
neu vonehedic. Tri pheth
ẏssẏd iaỽn y diolỽch ẏ dẏn.
gỽahaỽd a rẏbud ac anrec.
Tri dẏn ẏ|mae Jaỽn bot ẏn
da ỽrthunt. gỽedỽ. ac alltut
ac ẏmdiuat. Tri dẏn ẏ|mae
iaỽn rodi bỽẏt vdunt. ẏm+
deithic. a golochỽẏdỽr. a lla  ̷+
uurỽr. Tri char elẏn dẏn.
tan. a|dỽr. ac arglỽẏd. Tri
pheth ẏ ardẏrchauel gỽr.
gỽreic duhun diweir. ac a  ̷ ̷+
rglỽẏd diỽẏt kadarn a|difleis
hedỽch. Tri pheth a darestỽg

340

gỽr. drẏctir. a drẏcvreic. a drẏc+
arglỽyd. Tri aghẏuartal bẏt  ̷
berthaỽc a charu ac angheu.
Tri glỽth bẏt mor. ac arglỽẏd
a dinas. Tri chẏffredin bẏt.
gỽreic. a chlaỽr taỽlbỽrd. a|the+
lẏn. Tri pheth nẏ ellir bot
hebdunt ẏr meint a|wnelont
o|drỽc. tan. a dỽfẏr. ac arglỽẏd.
Tri peth a|sẏrth ar dẏn heb
ẏ ỽẏbot idaỽ. hun. a heneint.
a phechot. Tri merthẏrolaeth
heb lad dẏn. haelder. ẏn tlodi.
a diweirdeb ẏn tlodi. a cham  ̷ ̷+
ẏmgẏnnal heb gẏuoeth. Tri
melẏs bẏt. meth a sẏnnu.
a|phechu. Tri ẏstẏr ẏssẏd ẏ
hustig. medẏant. a thỽẏll.
a gỽẏlder. Tri chadarn bẏt;
arglỽẏd a drut. a|didim.
Dihaerebẏon ẏỽ hẏn. ~
A * vo da gan duỽ ẏs dir;
adaỽ maen adaỽ mab.
a dỽc ẏr hẏd ẏ|r maes maỽr.
a|r hẏ rodo a|garo nẏ cheiff a|da  ̷+
muno. anghen a|dẏrr dedẏf.
anghen a wna hen ẏn redega+
ỽc. Ỻaỽ lan diogel o|e pherchen.
a ranno ẏ liaỽs; rannet ẏn hẏ+
naỽs. a uo marỽ nẏ moch ỽelir.
adaỽ maỽr a rod bẏchan. a gẏ  ̷+
mero. katwet. arglỽẏd a gẏm  ̷+
ell. a dẏf a|deu. a arbetto ẏ vach
arbedet ẏ gẏnnogẏn. a gunuller
ar geuẏn march malen. dan
ẏ dorr ẏ gỽasgẏr. arỽẏd drỽc
mỽc ẏn diffeith. a vo trechaf
treisset. a dẏsger ẏ|r mab duỽ

 

The text Diarhebion starts on Column 340 line 22.