Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 9r

Y gainc gyntaf

9r

33

llẏs ẏnẏ oed ulỽẏd. a chẏnn ẏ
ulỽẏd ẏd oed ẏn kerdet ẏn grẏf.
a|breiscach oed no mab teir blỽ+
ẏd a uei uaỽr ẏ|dỽf a|e ueint.
a|r eil ulỽẏdẏn ẏ magỽẏt ẏ
mab a chẏn|ureisket oed a mab
chỽeblỽẏd. a chẏnn penn ẏ ped  ̷ ̷+
ỽẏrẏd ulỽẏdẏn ẏd oed ẏn|ẏmo  ̷+
prau a gueisson ẏ meirch am
ẏ adu o|e dỽẏn ẏ|r dỽuẏr. arglỽ  ̷ ̷+
ẏd heb ẏ|ỽreic ỽrth teirnon mae
ẏr ebaỽl a|differeist ti ẏ noss ẏ
keueist ẏ mab. Mi a|e gorchẏ  ̷ ̷+
mẏnneis ẏ ỽeisson ẏ meirẏch
heb ef. ac a ercheis sẏnnẏaỽ i
ỽrthaỽ. ponẏt oed da iti arglỽẏd
heb hi peri ẏ hẏỽedu a|ẏ rodi
ẏ|r mab. kanẏs ẏ noss ẏ keueist
ẏ mab ẏ ganet ẏr ebaỽl ac ẏ
differeist. Nẏt af i ẏn erbẏn
hẏnnẏ heb·ẏ teirnon. Mi a|adaf
ẏ ti ẏ rodi idaỽ. arglỽẏd heb
hi duỽ a dalo ẏt mi a|e rodaf
idaỽ. ẏ rodet ẏ march ẏ|r mab
ac ẏ deuth hi at ẏ guastrody  ̷ ̷+
on ac at ỽeisson ẏ meirch ẏ
orchẏmẏn sẏnẏeit ỽrth ẏ ma  ̷+
rch a|e uot ẏn hẏỽed erbẏn
pan elei ẏ mab ẏ uarchoga  ̷ ̷+
eth a chỽedẏl ỽrthaỽ. Emẏsc
hẏnnẏ ỽẏnt a glẏỽssont chỽ  ̷ ̷+
edlẏdẏaeth ẏ ỽrth riannon
ac am ẏ phoen. Sef a|ỽnaeth
teirnon tỽrẏf uliant o|achaỽs
ẏ|douot a gaỽssei ẏmỽarandaỽ
am ẏ chỽedẏl ac amouẏn ẏn  ̷

34

lut ẏmdanaỽ ẏnẏ gigleu gan
laỽer o|luossogrỽẏd o|r a delei ẏ|r
llẏs mẏnẏchu cỽẏnaỽ truanet
damỽein riannon a|ẏ phoen.
Sef a|ỽnaeth teirnon ẏnteu
medẏlẏaỽ am hẏnnẏ. ac edrẏch
ar ẏ mab ẏn graf. a chael ẏn|ẏ
uedỽl ẏn herỽẏd gueledigaeth
na rẏ|ỽelsei eiroet mab a that
kẏn|debẏcket a|r mab ẏ pỽẏll
penn annỽn. ansaỽd pỽẏll hẏs  ̷+
pẏs oed gantaỽ ef. canẏs gỽr
uuassei idaỽ kẏnn no hẏnnẏ.
ac ẏn ol hẏnnẏ goueileint a del  ̷ ̷+
lis ẏndaỽ. o gamhet idaỽ attal
ẏ mab ganthaỽ. ac ef ẏn gỽẏbot
ẏ uot ẏn uab ẏ ỽr arall. a phan
gauas gẏntaf o ẏscaualỽch ar
ẏ ỽreic ef a uenegis idi hi nat
oed iaỽn udunt ỽẏ attal ẏ mab
ganthaỽ a|gadu poen kẏmme+
int ac a|oed ar ỽreicda kẏstal a
riannon o|r achaỽs hỽnnỽ. a|r
mab ẏn uab ẏ pvẏll penn an+
nỽn. a hitheu ỽreic teirnon
a gẏtsẏnnẏỽẏs ar anuon ẏ
mab ẏ pỽẏll. a thriphet* arglỽẏd
heb hi a gaffỽn o hẏnnẏ. Diolỽch
ac elỽissen o|ellỽg riannon o r
poen ẏ mae ẏndaỽ. a diollỽch
gan pỽẏll am ueithrẏn ẏ mab
a|e eturẏt idaỽ. a|r trẏdẏd peth
os gỽr mỽẏn uẏd ẏ mab. mab
maeth ẏnni uẏd. a|goreu a|allo
uẏth a|ỽna inni. ac ar ẏ|kẏng+
hor hỽnnỽ ẏ trigẏssant. ac nẏ