LlGC Llsgr. Peniarth 5 (Llyfr Gwyn Rhydderch, rhan 1) – tudalen 147v
Ystoria Bown de Hamtwn
147v
353
diarbet. ac yna y bathaỽd yr admi ̷ ̷+
ral condin a|thrỽy lef vchel erchi
a|oruc y|r cristynogyon clotuous rodi
dyrnodeu yn iaỽn. a|ffo a|orugant
y paninỽnys. a|their milltir oed yn
hyt y llu. a hyt yn macubraỽnd y fo ̷ ̷+
yssant. ac yna yd ymhoyles boỽn
y|dinas bratmỽnd ac y eu llettyeu
yd aethant y marchogyon deỽron.
ac ymdiaruu a orugant. a|r meibon
a|redassant at eu tatdeu* y dynnu
y harueu. ac a|archassant y tat gỽis ̷ ̷+
coed ac arueu ac erchi idaỽ eu hurdaỽ
yn varchogyon canys maỽr ym a|chry ̷ ̷+
fyon. vy meibon y tec ry dyner yỽ
aỽch knaỽd y dỽyn arueu trymyon.
a|phan voch gryfyon chwi a|geffỽch
ar vrys arueu. heb·y boỽn. ac yna
yd|oed boỽn a|therri a|sabaot a|iuor
ar veinc yn eisted. Peth heb y bren ̷ ̷+
hin mỽmbraỽnt a|gymery di o ỽre
werth drossof. i. ac ny|m|dihenydych.
Myn vym|phen. i. heb y boỽn. ny|th
dihenydir. tyghu a|wney ffodlondeb*
ac enỽi y|gwerth. a|thyghu a|oruc ef
y dỽyeu ef y vahỽn. ac appolin. a|ther ̷ ̷+
uagaỽnt y bydei uuyd ef ỽrth y|he ̷ ̷+
wyllus ỽynt. ac yna yd enwis
y brenhin sỽmp o|dda. nyt amgen
no chan meirch a|chan pỽnn arnunt
o eur ac aryant. a|thrychant gỽely
o|eur ac aryant. a|chymeint arall
o gylchedeu a|chlustogeu. a|phetwar
354
cant o ffioleu ac eu cloryeu arnunt.
a|phum mil o|lieineu bordeu o eur
gwedy restru. a|phum cant o|leỽot.
a|phump cant o eirth. a mil o sỽme ̷ ̷+
reu eureit. a|mil o lurygeu da gloyỽ ̷ ̷+
on ac a|berthyn o helmeu. a hynny
a rodaf it yr caffel vy mywyt. ac a
vydaf. i. ryd weithon. Myn vym|phen
heb·y boỽn ti a drigy yny welỽyf. i.
y|da. ac yna galỽ a|oruc Juor ar y gen ̷ ̷+
hyat attaỽ. ac erchi idaỽ vynet
hyt y|mỽmbraỽnt at y dirgeledic
was ystauell sabaot. ac erchi idaỽ
anuon attaỽ y da racdywededic. a
menegi y vot yn caffel y rydit a|e
vywyt yr|hynny o|da. ac yna y ker ̷ ̷+
daỽd y genhat racdaỽ hyny deuth
at sabaot. a rodi y llythyr yn|y laỽ.
ac edrych a|oruc yn y|llythyr a|e dar ̷ ̷+
llein. a|dywedut ỽrth yr admiral y
gorchymyn a|deuth attaỽ. a|diolỽch
y mahỽn a|orugant. a|dygynull a|oru ̷ ̷+
gant y tressor ygyt a deg mil o paỽ ̷ ̷+
mỽneit a|anuonet y hebrỽg y dywe ̷ ̷+
dedic amryuaylon daoed. ac yn da
ganthunt y gaffel yr kyuychanet a
hynny o|werth ac yn vn dyd y|doethant
hyt y·mratmỽnd. a|boỽn a|e herbyn ̷ ̷+
nyaỽd ỽynt. a|gellỽg iuor a|orugant
a|chollet maỽr uu hỽnnỽ y boỽn. gỽe ̷ ̷+
dy hynny mal y|treithir rac llaỽ.
weithon y traythỽn o Ermin vren ̷ ̷+
hin a|theỽi am iuor. Cleuychu a|oruc
| « p 147r | p 148r » |