Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 149r

Ystoria Bown de Hamtwn

149r

359

y gwelas boỽn ef llawen uu o|r|dyuoty  ̷ ̷+
at. ac yna y kỽynaỽd boỽn ỽrth saba  ̷ ̷+
ot. athro heb·y boỽn vy march a|duc  ̷ ̷+
pỽyt yn lledrat ac yn wir yt y|mae
ef gan iuor vrenhin. yssywaeth heb
sabaot ry|hir uu vyn trigyan. ef a
gymerth y|ffonn ac o|r llys y|kerdaỽd.
Y fford a|gymerth ny orfỽyssaỽd hyny
deuth y dinas iuor. ac yna dydgỽeith
y gorffỽyssaỽd hyt pryt gosper. ac
yna dyuot a oruc gweisson y meirch
ac eu meirch y|r dỽfyr. a|phan welas
sabaot ỽynt yn dyuot da uu gantaỽ.
a|phan welas ef arỽndel. y adnabot
a oruc. a dyuot yn eu herbyn. a|chyf  ̷ ̷+
arch gwell vdunt yn|y mod hỽnn.
Mahỽn aỽch iachao. y kyfryỽ amỽs
ny|s gweleis eiroet. ymhoel y|bedre  ̷ ̷+
in y racwan mi a|e gweleis heb y
gwas ti a geffy y welet oll. ac ymho  ̷ ̷+
elut pedrein y march at sabaot. ac
yna yscynnu a oruc sabaot isgil y
gwas yn amyscauyn a|dyrchauel
y ffonn a wnaeth a|tharaỽ y gwas
a hi yny dygwydaỽd yn varỽ y|r
llaỽr. a rei ereill a varchoccassant y|r
llys. a menegi y iuor dỽyn arỽndel.
a|thristaỽ yn vaỽr a oruc. ac o lef vchel
erchi o·honaỽ y ygchwanec y cant
yscynnu ar eu meirch ac eu hymlit.
ac yna rif o nadunt a|e hymlityassant.
Hynt sabaot uu marchogaeth arỽn  ̷ ̷+
del racdaỽ. a hỽynt yn|y ymlit pob

360

cant pob mil. a iosian myỽn ysta  ̷ ̷+
uell uchel a|thrỽy ffenestyr uchel
yn edych allan ac arganuot a|oruc
boỽn sabaot ar arỽndel yn|dyfot.
yna mynet a|oruc iosian at boỽn a
gi y mab. a|dywedut ỽrthunt arglỽy  ̷ ̷+
di heb hi perỽch aỽch holl niueroed
gỽiscaỽ arueu y vynet y ganorthỽy  ̷ ̷+
aỽ sabaot. canys arabyeit yssyd yn
chwerỽdic yn|y ymlit. ac y mae ynteu
yn arwein arỽndel. yr hỽnn yr oed  ̷ ̷+
dut yn drist o|e achaỽs. ac ỽrth hynny
arglỽydi dyuryssyỽch. ac yna y gỽis  ̷ ̷+
cassant agos y vgein mil ar vrys.
ac y|kymerth y brenhin y amỽs. a
milys y varch ynteu. ac yna y ky  ̷ ̷+
hyrdaỽd y brenhin a|fabur ac y dy+
waỽt ỽrthaỽ. ae ti fabur a erlidyeist
sabaot. ac yna ef a|e trewis ar y dary+
an hyt y eneu. a briwaỽ y luryc hyt
na allassant dim o amdiffyn idaỽ
a thra barhaaỽd y wayỽ y byryaỽd
pob un o|r a|gyhyrdaỽd ac ef Ac yna
yr yscynnaỽd sabaot ar amỽs fabur
ac arbet arỽndel a oruc kany ỽydyat y
ỽrth dyuodyat boỽn y|r maes. a milys
a duc ruthyr y admiral ac a|e lladaỽd
ac yna y kyrchaỽd boỽn vab terri
kaỽr ac a|e lladaỽd. ac y velly y gỽna+
ethant pob vn yn|y gyfeir megys
marchogyon deỽron peri paỽb o|r
a|gyhyrdei ac ỽynt vot yn darystyg+
edic udunt. a|r brenhin yn eu hannoc