Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 67v

Ystoria Carolo Magno: Chronicl Turpin

67v

37

ef gỽedy goruot arnadunt o
ỽrthrỽm lauur. ac ỽrth hynny
y|maent heb neb yn eu pressỽy+
laỽ yr hynny hyt hediỽ. Lucer+
na. Ventosa. Capara. Adania.
P Ob geu duỽ. a geu delỽ
o|r a|gauas yna yn|yr|yspa+
en a|distryỽys yn gỽbyl
eithyr y|geu duỽ a|oed yn dayar
alandaluf. Mahumet oed y|enỽ.
A llyna a|dyỽeit y saracinnyeit
tra yttoed yn|y vyỽyt ry|wneu  ̷+
thur ohonaỽ y delỽ honno yn|y
enỽ e|hun. ac o ryỽ geluydyt
gyrru yndi lleng o|dieuyl a|e
hynseilyaỽ arnadunt. a chyn
gadarnnet yỽ y|geu duỽ hỽnnỽ.
ac na allỽys neb y dorri eiroet.
Pan dynessao crystyaỽn attaỽ
y|pericla. a|phan del saracin y  ̷
ỽediaỽ y keiff i yechyt. O|damỽ+
eina disgynnv o|dyn arnaỽ ma+
rỽ vyd. ac y|glan y|mor y|mae
yntev. Maen keu hen ysgyth  ̷+
redic o weith saracinneit yn
odidaỽc ỽedy ry ossot ar|y day+
ar. ac yn llydan ydanaỽ pedro  ̷ ̷+
gyl. a meinach veinach y|vyny.
kyfuch ac y ehetta bran y|r aỽyr.
Ac ar y|maen y hỽnnỽ y|mae y|de+
lỽ honno o|r elydyn teckaf ỽedy
ry|dinev ar lun dyn yn seuyll
ar|y|draet a|e ỽyneb tu a|r dehev
a|r|agoryat maỽr yn|y laỽ dehev.
a|r agoryat hỽnn mal y|dyỽeit
y|saracinneit a|dygỽyd o|e laỽ ef

38

yn|y vlỽydyn y|ganer brenhin
yn freinc a|darestygo yn amser
yr holl yspaen y gyfreitheu crist.
Ac yn|y lle pann ỽelont ỽy yr
agoryat yn dygỽydaỽ o|e laỽ ef
yd|adaỽant eu golut. ac y|foant
y eu gỽlat. O|r eur a|r|try+
zor a rodes brenhined yr yspaen
y|charlys. ef a|chỽaneckaaỽd e  ̷+
glỽys ida iago ebostol. ac a|tri+
gyaỽd yno teir blyned o|r acha+
ỽs hỽnnỽ. ac a osodes escob. a  ̷
chanhonnỽyr yndi herỽyd re  ̷+
ol ysidor escob. a|chonfessor. a|e
hardu˄rnyaỽ a|oruc o glych. a|lly  ̷+
urev. a|phob kyfryỽ dotrefyn
ereill o|r|a vei reit vrthunt.
a|phan doeth ef o|r yspaen. ef a
doeth gantaỽ o wedill sỽllt
o eur ac aryant yn gỽbyl yr
hỽnn y|treulaỽd ỽrth ˄ỽeith eglỽyssev
ereill. nyt amgen eglỽys y|wyn+
uydedic veir ỽyry yn|y grỽndỽf  ̷+
yr. ac eglỽys iago yno heuyt.
ac eglỽys iago ym biternn.
ac eglỽys iago yn tỽlys. a|r
honn yg|gỽasgỽin yrỽg caer
axa a seint iohan sordue. ar
ford sein iac. ac eglỽys iago
ym|paris. yrỽg sein a|mỽnt
Martires. ac anneiryf o vana+
chlogoed a|ỽnaeth charlymaen
ar hyt y|byt. A gỽedy ym+
hoelut charlys y freinc y|do  ̷+
eth pagan brenhin yr affric.
aigoliant oed y enỽ. a|lluoed