Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 84v

Brut y Brenhinoedd

84v

383

a milwryaeth. Yr hynny eissyo+
es ny choỻassaỽch chỽi aỽch
anyanaỽl daeoni. namyn yn
wastat parhau yn aỽch bonhe+
dic daeoni. kanys y ruueinw+
yr a gymheỻassaỽch ar ffo. y
rei a|oed oc eu syberwyt yn
keissyaỽ dỽyn aỽch rydit y
gennỽch. ac yn vỽy eu niuer
no|r einym ni. ac ny aỻyssant
sefyỻ yn aỽch erbyn namyn
yn dybryt ffo gan achub y
dinas hỽnn. ac yr aỽr honn
y deuant o hỽnnỽ y|r dyffryn
hỽnn y gyrchu awuarn. ac
y am hynn yma y geỻỽch
chỽitheu eu kaffel ỽynt yn
di·rybud ac eu ỻad megys
deueit. kanys gỽyr y dwyrein
a|debygant bot ỻesged yn·och
chỽi pan geissynt gỽneuthur
aỽch gỽlat yn|drethaỽl udunt
a|chỽitheu yn geith udunt.
Po·ny wybuant ỽy pa ryỽ
ymladeu a|dyborthassaỽch
chỽi y wyr ỻychlyn a denma+
rc. ac y dywyssogyon freingk
y rei a|oresgynnassaỽch chỽi.
ac a rydhayssaỽch y ỽrth eu
harglỽydiaeth waradwydus
ỽy. Ac ỽrth hynny kan goruu+
am ni yn yr ymladeu kadarn+
af hynny. heb amheu ni a|or+
vydỽn yn yr ymladeu ysgaỽn
hynn. os o vn dihewyt ac o vn

384

vryt y ỻafuryỽn y gywarsa+
gu yr hanner gỽyr hynn. Pa
veint o anryded a medyant a
chyuoeth a geiff paỽb ohonaỽch
chỽi. os megys kytuarchogy+
on fydlaỽn yd uvudheỽch chỽi
y|m|gorchymynneu i. Kanys
gỽedy gorfom ni arnadunt
ỽy. ni a|gyrchỽn ruuein am
a gaffỽn y medu hi. ac veỻy
y keffych yr eur a|r aryant. a|r
ỻyssoed. a|r tired. a|r kestyỻ. a|r
dinassoed. ac eu hoỻ gyuoeth
a geffỽch. ac ual yd oed yn dyw+
edut hynny ỽrthunt paỽb o
vn eir a gadarnaassant bot
yn gynt y|diodefynt agheu noc
yd ym·adewynt ac ef. tra vei ef
vyỽ o|r blaen. 
A |Gỽedy gỽybot o|r amheraỽ+
dyr y vrat yd oedit yn|y
darparu idaỽ. Nyt fo a|oruc
ef megys y darparyssei namyn
galỽ y lewder attaỽ a|chyrchu
y dyffryn hỽnnỽ|ar|eu torr. a
galỽ y dywyssogyon attaỽ a
dywedut ỽrthunt ual|hynn.
Tadeu anrydedus o|arglỽydia+
eth. o|r rei y dylyir kynnal te+
yrnassoed y dỽyrein a|r gorỻeỽ+
in yn darostygedic udunt.
Koffeỽch aỽch hen·dadeu y rei
yr|goresgynn eu gelynyon ny
ochelynt oỻỽng eu priaỽt waet
e|hunein. namyn adaỽ agreifft