LlGC Llsgr. Peniarth 4 (Llyfr Gwyn Rhydderch, rhan 2) – tudalen 64r
Geraint
64r
389
hỽẏn a|glẏỽẏnt tỽrỽf maỽr anghe ̷ ̷+
rdaỽl. ac ẏdrẏch a orugant dra|e
keuẏn. ac vẏnt a|welynt uarch ̷ ̷+
aỽc ar ebaỽl·uarch helẏglei athru ̷ ̷+
gar ẏ ueint. A maccỽẏf gỽineu
Jeuanc eskeirnoẏth teẏrneid ar*
arnaỽ. a|chledẏf eurdỽrn ar glun.
a|pheis a sỽrcot o|bali ẏmdanaỽ.
a dỽẏ eskid issel o gordỽal am ẏ
draẏd. a|llen o borfor glas ar m
warthaf hẏnnẏ. ac aual eur
vrth pob cỽrr idi. a|cherdet ẏn
uchelualch drẏbelidfraeth gys ̷ ̷+
sonuẏr a|wnai y march. ac ẏmor ̷ ̷+
diwes a gwenhỽẏuar a|oruc. a|ch ̷ ̷+
yuarch gỽell iti a oruc. Dyỽ a
rodo da it ereint hep·ẏr hith ̷ ̷+
eu. a mi a|th adnabuum pan ẏth
weleis gyntaf gynneu. a|chres ̷ ̷+
so duỽ vrthyt. a paham nad
aethost ti gẏd a|th arglỽyd y hela
am na vẏbuum pan aeth heb
ef. Minneu a rẏuedeis heb·ẏr
hi gallu o·honaỽ ef uẏned ẏn
ẏ mi. Je arglỽẏdes heb ef kẏscu
a|wneuthum inheu mal na
vybuum pan aeth ef. a goreu
un kedẏmdeith heb hi genẏf i
uẏ|ghẏdẏmdeithas arnaỽ ẏn|ẏ
kẏuoeth oll vẏt ti o|was Jeu ̷ ̷+
anc. ac ef a allei uod ẏn gẏn
digriued ẏni o|r hela ac udunt
hỽẏnteu. Canẏs ni a|glẏỽỽn
ẏ kẏrn pan ganer. ac a glẏỽ+
vn ẏ cỽn pan ellẏgher a|phan
dechreuỽẏnt alỽ. ac vynt a
doethant ẏ ẏstlẏs ẏ forest. ac
ẏ·no seuyll a|wnaethant. Ni
a glẏỽỽn od·ẏma heb hi pan ell ̷ ̷+
ẏnger ẏ cỽn. ac ar hẏnnẏ tỽ ̷ ̷+
rỽf a|glẏwẏnt. ac edrẏch ẏg
gỽrthỽẏneb ẏ tỽrỽf a orugant.
390
Ac ỽẏnt a|welẏnt corr ẏn march+
ogaeth march ucheldeỽ froẏn+
uoll maswehẏn. cadarndrut.
ac ẏn llaỽ ẏ corr ẏd oed frowẏll
ac ẏn agos ẏ|r corr ẏ gwelẏnt
wreic ẏ ar uarch canwelỽ te+
lediỽ a|phedestric wastadualch
ganthaỽ. ac eurwisc o|bali am+
danei. ac ẏn agos iti hitheu m
marchaỽc ẏ ar caduarch maỽr
tomlẏd. ac arueu trỽm gloẏỽ
ẏmdanaỽ ac am ẏ uarch. a di+
heu oẏd ganthunt na welẏnt
eiroed gỽr a march ac arueu
hoffach ganthunt eu meint
no vẏnt. a phob un onadunt
ẏn gẏuagos ẏ gilid. Gereint
heb·ẏ gwenhỽẏuar a|atwaẏ+
nost ti ẏ marchaỽc racco ma+
vr. Nac atwen heb ẏ·nteu. Nẏ
at ẏr arueu ẏstronaỽl maỽr
racco welet na|ẏ vẏneb ef na|ẏ
brẏt. Dros* uorỽẏn heb·ẏ gwen+
hỽyuar a gouẏn ẏ|r corr pỽẏ
ẏ marchaỽc. mẏnet a oruc
ẏ uorỽẏn ẏn erb·yn ẏ corr. Sef
a oruc ẏ corr kẏuaros ẏ uorỽẏn
pan ẏ gwelas ẏn dẏuot attaỽ.
a gouẏn a oruc ẏ uorỽẏn ẏ|r corr
pỽẏ ẏ|marchaỽc heb hi. Nẏ|s dẏ+
wedaf iti heb ef. Canẏs kẏn ̷+
drỽc dẏ vẏbot heb hi ac na|s
dẏwedẏ ini. Mi a|e gouẏnaf ẏdaỽ
e hun. Na ouẏnnẏ mẏn uẏg|chret
heb ẏnteu. paham heb·ẏr hi.
Am nad vẏt ẏn ẏnrẏdet dẏn
a|wedo vrthaỽ ẏmdidan a|m
arglỽẏd. i. Sef a oruc ẏ uorỽẏn
ẏna; trossi penn ẏ march tu
a|r marchaỽc. Sef a oruc ẏ
corr ẏna ẏ tharaỽ a frowyll
a oed ẏn|ẏ laỽ ar draỽs ẏ hỽẏneb
| « p 63v | p 64v » |