LlGC Llsgr. Peniarth 19 – tudalen 87r
Brut y Brenhinoedd
87r
393
vn yn ỻafuryaỽ agheu y|gilyd.
nachaf y ruueinwyr yn ymben+
tyryaỽ yn eu kylch. yny vu reit
y howel a gwalchmei a|e bydino+
ed enkilyaỽ hyt ar vydin arthur.
gan eu ỻad o|r ruueinwyr yn
drut. A|phan|weles arthur yr
aerua yd oedit yn|y wneuthur
o|e wyr ef. tynnu caletvỽlch y
gledyf goreu a|wnaeth. ac yn
vchel dywedut ual|hynn. Py ach+
aws y gedỽch y gedỽch chỽi y
gỽreigolyon wyr hynn y +gen
nỽch. nac aet vn yn vyỽ o·ho+
nunt nac aet. koffeỽch aỽch de+
heuoed y rei yn gyfrỽys. yn|y
saỽl ymladeu kynno hynn a
darostygassant dec teyrnas ar
hugeint ỽrth vy|medyant i. kof+
feỽch aỽch hen dalteu. y rei pan
yttoedynt gadarnach gỽyr ru+
uein no hediỽ a|e gỽnaethant
yn|drethaỽl udunt. Koffeỽch
aỽch rydit yr honn y mae yr
hanner gỽyr hynn yn keissyaỽ
y dỽyn y gennỽch. ac ỽrth hynny
nac aet vn yn vyỽ o·honunt
nac aet. A chan dywedut yr ym+
adrodyon hynny. kyrchu y elyn+
nyon ac eu|bỽrỽ dan y draet ac
eu ỻad. a phỽy bynnac a|gyfar+
fei ac ef. o vn dyrnaỽt y ỻadei ac
ef a|e varch. Ac ỽrth hynny pa+
ỽb a foynt racdaỽ megys y fo+
ynt aniueileit rac ỻew creula+
394
ỽn pan vei newyn maỽr arnaỽ
ac ynteu yn keissyaỽ bỽyt. A
phỽy bynnac o|damchwein a
gyfarffei ac ef. ny|s|differei y
arueu ef rac kaletvỽlch yny
vei reit idaỽ talu y eneit y+
gyt a|e waet. Deu vrenhin oc
eu|drycdamchwein a|gyfaruu+
ant ac ef. Sertor brenhin libia.
a pholites brenhin bitinia.
a|r deu hynny gỽedy ỻad eu
penneu a|anuones arthur y
ruuein. a|gỽedy gỽelet o|r
brytanyeit eu brenhin yn
ymlad ueỻy. gleỽder ac ehof+
ynder a|gymerassant. a|chan
dewhau eu bydinoed o vn vryt
kyrchu y ruueinwyr gan
darparu mynet drostunt.
Ac eissoes gỽrthỽynebu yn
wychyr a|oruc y ruueinwyr
udunt. ac o|dysc ỻes amhe +
raỽdyr ỻauuryaỽ y dalu aer +
ua y|r brytanyeit. a chymeint
vu yr ymlad yna o bop parth
a|chyt bei yr aỽr honno y|dech+
reuynt yr ymlad. O|r|neiỻ parth
yd oed yr arderchaỽc vrenhin
arthur yn ỻad y elynyon. ac
yn annoc y wyr y sefyỻ yn
wraỽl. ac o|r parth araỻ yd oed
les amheraỽdyr yn annoc y
ruuein·wyr. ac yn eu|dyscu
ac yn eu moli. ac ny orfoỽys+
sei ynteu yn ỻad. ac yn bỽrỽ
| « p 86v | p 87v » |