Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 66v

Geraint

66v

399

ac yny dẏrr ẏ kic oll a|r croen
ac ẏnẏ ac* ẏnẏ* glỽẏua ar yr
ascỽrn. ac ẏnẏ dẏgỽẏd ẏ
marchaỽc ar ẏ deulin a bỽrỽ
ẏ gledẏf o|e llaỽ a|oruc ac
erchi trugaret ẏ ereint; a
rowẏr heb ef ẏ gadaỽd uẏg
cam rẏuic a|m ballchder ẏm
erchi naỽd. ac onẏ chaf ẏspeit
ẏ ẏmwneuthur a dẏỽ am
uẏ|m·hechaỽt ac ẏmdidan
ac offeireit; nẏ hanỽẏf well
o naỽd. Mi a|rodaf naỽd it
gan hẏn heb ef dẏ|uẏnet hẏd
at wenhỽẏuar gỽreic arth  ̷ ̷+
ur ẏ wneuthur iti am sẏr  ̷ ̷+
haed ẏ morỽẏn o|th gorr. Di  ̷+
gaỽn ẏỽ gennẏf inheu a
wneuthum. i. arnat ti am
a|geueis. i. o sẏrhaet gennẏt
ti a|th gorr. ac na discẏnnẏch
yt*|pan elẏch odẏma hẏt rac
bronn gwenhỽẏuar ẏ wne  ̷ ̷+
uthur iaỽn iti uar* ẏ barnher
ẏn llẏs arthur. a minne a
wnaf hẏnnẏ ẏn llawen. a|f+
fỽy vẏt titheu heb ef. Mi
ereint uab erbin. a manac
ditheu pỽẏ vẏt. Mi edern
uab uab* nud ac ẏna ẏ bẏ+
rỽẏt ef ar ẏ uarch ac ẏ doẏth
racdaỽ hẏd ẏn|llẏs arthur
a|r wreic uỽẏaf a garei ẏ+
n|ẏ ulaen a|e gorr a drẏcẏr+
uerth maỽr ganthunt. 
 Y|chwedẏl ef hẏd ẏna
ac ẏna ẏd oed ẏ doẏth ẏ
Jarll ieuanc a|ẏ niuer ẏn ẏd
oed ereint a|chẏuarch gvell
itaỽ a|y wahaỽd gẏd ac ef
ẏ|r castell. Na uẏnhaf heb·ẏ
gereint. y lle ẏ bum neithwẏr

400

ẏd af heno. Canẏ uẏnhẏ hẏnnẏ
dẏ|wahaỽd nu; ti a|uẏnhẏ di+
walrỽẏd o|r a allỽẏf. i. ẏ beri it.
ẏ|r lle buost neithwẏr. a mi a
baraf enneint it a bỽrỽ dẏ ulin+
der a|th ludet ẏ arnat. Dẏỽ a|dalho
it heb·ẏ gereint a minneu a af
ẏ|m llettẏ. ac ẏ·uellẏ ẏ doeth
gereint. a nẏỽl iarll a|e wreic
a|e uerch. a|ffann doethant ẏ|r
loft. ẏd oed gỽeisson ẏsteuẏll
ẏ iarll ieuanc a|e gwasanaeth
gvedẏ dẏuot ẏ|r llẏs. ac ẏn kẏ+
weiraỽ ẏ tei oll ac ẏn|ẏ diwallu
o wellt a|than ac ar oet bẏrr ẏ
baraỽt ẏr enneint. ac ẏd aẏth
gereint idaỽ a golchi ẏ benn a
a|wnaẏthpỽẏt. ac ar hẏnnẏ ẏ
doeth ẏ iarll ieuanc ar ẏ deu+
geinued o uarchogẏon urdaỽl
ẏ·rỽg ẏ wẏr e hun a gwahod+
wẏr o|r tvrneimeint. ac ẏna
ẏ doeth ef o|r enneint ac ẏd
erchis ẏ iarll itaỽ uẏned ẏ|r
neuad ẏ uỽẏta. Mae ẏnỽl
Jarll heb ẏnteu a|e wreic. a|e
uerch. Maent ẏn|ẏ loft racco
heb y gwas ẏstauell ẏ iarll
ẏn gviscaỽ ẏmdanant ẏ gvis  ̷ ̷+
coẏd a|beris ẏ iarll ẏ dỽẏn
udunt. Na wiscet ẏ uorỽẏn
heb ẏnteu dim ẏmdanei onẏt
ẏ|chrẏs a|e llenlliein ẏnẏ del ẏ
lẏs arthur ẏ wiscaỽ o wenhỽẏ+
uar ẏ wisc a|uẏnho ẏmdanei.
ac nẏ wiscaỽd ẏ uorỽẏn. ac ẏna
ẏ doẏth paỽb ẏ|r neuad o·nadunt.
ac ẏmolchi a orugant a mẏned
ẏ eiste. ac ẏ uỽẏta. Sef ual
ẏd eistẏdassant o|r neilltu ẏ
ereint ẏd eistedaỽd ẏ iarll
ieuanc. ac odẏna ẏnẏỽl iarll