Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 67v

Geraint

67v

403

ẏn mẏnnu ẏ roti ẏ|r wreic
uỽẏaf a garei ef. arall ẏ|r
wreic uỽẏaf a garei ẏnteu
a ffaỽb o|r teulu a|r marchog+
ẏon ẏn amrẏsson ẏn chỽerỽ
am ẏ penn. ac ar hẏnn·ẏ ẏ
doẏthant ẏ|r llẏs. ac ẏ kic  ̷ ̷+
leu arthur a gwenhỽẏuar
ẏr amrẏsson am ẏ penn ac
a dẏwaỽd gwenhỽẏuar ẏna
vrth arthur. arglỽẏd heb hi
llẏma uẏ|ghẏgor. i. am benn
ẏ carỽ na rodher ẏnẏ del ge+
reint uab erbin o|r neges yd
ediỽ iti. a dẏwedut ẏ arthur
ẏstẏr ẏ neges a oruc gwen+
hỽẏuar. gvneler hẏnnẏ ẏn
yn* llawen heb arthur. ac ar
hẏnnẏ ẏ trigỽẏt. a|thrannoẏth
ẏ peris gwenhỽẏuar bot dis+
gỽẏleid ar ẏ gaer am dẏuod+
yad gereint. a gwedẏ
hanner dẏd ẏ gvelẏnt go  ̷+
drumẏd o dẏn bẏchan ar
uarch. ac ẏn|ẏ ol ẏnteu gvre+
ic neu uorỽẏn debygẏnt hỽẏ
ar uarch. ac ẏn ẏ hol hitheu
M·archaỽc maỽr gochrỽm
penn·issel goathrist. ac ar  ̷+
ueu brẏwedic amdlaỽt ẏm  ̷ ̷+
danaỽ. a chẏn ẏ dẏuot ẏg
kẏuẏl ẏ porth ẏ doeth un o|r
discỽẏleid ẏn d ẏd oed gwen+
hỽẏuar a dẏwedut iti ẏ
rẏỽ dẏnẏon a|welẏnt a|r
rẏỽ ansaỽd oed arnunt. Nẏ
vn i pỽẏ ẏnt hỽẏ heb ef.
Mi a gỽn heb gwenhỽẏuar
llẏna ẏ marchaỽc ẏd aeth
gereint ẏn|ẏ ol. a|thebic ẏỽ
genhẏf nad gan ẏ uod ẏ
maẏ ẏn dẏuot. ac ot ẏm+

404

or·diwedaỽd gereint ac ef
neu rẏ|dialaỽd sẏrhaed ẏ uorỽẏn
pan uo lleiaf. ac ar hẏnnẏ na+
chaf ẏ porthaỽr ẏn dẏuot ẏn
ẏd oed wenhỽẏuar. arglỽẏdes
heb ef maẏ ẏn|ẏ porth march+
aỽc ac nẏ welas dẏn eiroed
golỽc mor athrugar edrẏch
arnaỽ ac ef arueu briwedic
amdraỽt* ẏssẏd ẏmdanaỽ a
lliỽ ẏ waet arnunt ẏn drech
noc eu lliỽ e hun. a|ỽdost ti pỽẏ
ẏỽ ef heb hi. gỽn heb ẏnteu.
edwin uab nud ẏỽ med ef.
Nẏd atwen inheu ef. ac ẏna
ẏ doeth gỽenhỽẏuar ẏ|r porth
ẏn|ẏ erbẏn. ac ẏ mẏỽn ẏ doẏth.
ac ẏ bu dost gan wenhỽẏuar
gỽelet ẏr olỽc a welei arnaỽ.
pei na attei gẏd ac ef ẏ corr
ẏn gẏndrỽc ẏ vẏbot ac ẏd oẏd.
ar hẏnnẏ kẏuarch gwell a
oruc edern ẏ wenhỽẏuar. dẏỽ
a rodo da it heb·ẏr hi. arglỽẏd+
es heb ef dẏ annerch ẏ gan
Ereint uab erbin ẏ gỽas go  ̷+
reu a deỽraf. a ẏmwelas ef
a|thi heb hi do heb ef ac nẏd ẏr
lles ẏ mi. ac nẏd arnaỽ ef ẏd
oed hẏnnẏ. namẏn arnaf. i.
arglỽẏdes. a|th annerch ẏ gan
ereint. a|chan dẏ annerch ef
a|m kẏmhellaỽd. i. hyd ẏma ẏ
wneuthur dẏ ewẏllus di am
godẏant dẏ uorỽẏn ẏ gan ẏ
corr. ẏnteu madeuedic ẏỽ
ganthaỽ ẏ godẏant ef; am
a oruc arnaf. i. gan tebẏgei
uẏ mot ẏn enbydrỽẏd am
uẏ eneit. a|chẏmellẏat cadarn+
drut gỽraỽl milỽrẏeid a oruc
ef arnaf. i. ẏma ẏ wneuthur