LlGC Llsgr. Peniarth 19 – tudalen 91r
Brut y Brenhinoedd
91r
409
a|r ueint vrdolyon a dianghys+
sant o|r veint perigyl honno
a ffoyssynt y diogelrỽyd ke+
nedyl kymry. ac eu creireu ac
escyrn y seint ganthunt rac
ofyn dileu o|r aghyfreitholy+
on baganyeit y saỽl greireu
a|oed ganthunt o|r ymrodynt
ỽynteu y verthyrolyaeth yn|y
deissyfeit berigyl hỽnnỽ. a
ỻawer heuyt a foyssei ohon+
unt hyt yn ỻydaỽ. yny yttoe+
dynt hoỻ eglỽysseu y|dỽy ar+
chescobaỽt yn diffeith. ỻundein
a chaer efraỽc. a|r petheu
hynny yr aỽr honn tewi a|w+
naỽn amdanunt. kanys pan
draethỽyf oc eu ỻewenyd. yna
y traethaf o hynny. Ac odyna
y brytanyeit a|goỻassant co+
ron y deyrnas drỽy lawer o
amser. a ỻywodraeth yr ynys
ar y hen deilygdaỽt ny aỻas+
sant y hatnewydu. ac etto
y rann a|drigyassei ganth+
unt o|r ynys. nyt y vn bren+
hin yn|darostygedic y daros+
tyghynt. namyn y tri creu+
laỽn. ac yn vynych kiwdaỽda+
ỽl ryuel y·rygthunt e|hune+
in ac yr hynny eissoes ny
chawssei y saeson etỽa coron
y teyrnas kanys tri brenhin
yd oedynt ỽynteu. Gỽeitheu
y ryuelynt yrygthunt
410
e|hunein. gỽeitheu ereiỻ y+
rygthunt a|r|brytanyeit. ac
ueỻy ny chaỽssei neb ohon+
unt. coron y deyrnas
A C yn|yr amser hỽnnỽ
yd anuones giryoel
bab aỽstin y bregethu y|r
saeson. y rei a|oedynt daỻ.
o baganaỽl aruer yn|y rann
yd oedynt ỽy yn|y medu o|r
ynys. Kanys neur|daroed
udunt dileu hoỻ gret a
christonogaeth a fyd gatho+
lic yn ỻỽyr. ac ymplith y
brytanyeit yd oedynt fyd
gatholic a christonogyon
yn grymhau yr yn oes eleu+
terius bab y gỽr a|anuones
cret yn gyntaf y ynys bry+
dein. heb y diffodi y·rygth+
unt vn amser. a gỽedy dy+
uot aỽstin megys y|dywet+
pỽyt uchot. ef a gafas yn
rann y brytanyeit arches+
gyb a seith esgobaỽt yn ga+
darn o egluryon brelatyeit
creuydus glan buchedaỽl.
a ỻawer o vanachlogoed
yn|y rei yd oedynt kenuein+
oed y duỽ yn kynnal uny+
aỽn reol ac urdas. ac ym+
plith y rei hynny yn|dinas
bangor yd oed vanachlaỽc
vonhedic y n yr honn y dyw+
wedit bot y veint honn
| « p 90v | p 91v » |