LlGC Llsgr. Peniarth 19 – tudalen 93v
Brut y Brenhinoedd
93v
419
Kanys py borthua bynnac
y keissyei dyuot y|r|tir. yno y
bydei etwin a|e lu yn|y ludyas.
kanys attaỽ y dathoed y dew+
in doethaf o|r byt o|r yspaen.
a|elwit politus. a hỽnnỽ a
uanagei y etwin pob damchỽ+
ein o|r a|delei rac ỻaỽ idaỽ a
hynny drỽy ehedyat yr adar
a cherdetyat y syr. Ac ueỻy
y managei ynteu pan geis+
sei gatwaỻaỽn ymchoelut y|r
tir. ac y bydei etwin yn|y er+
byn yn baraỽt. ac y briỽei
y logeu. a|bodi y gedymdeith+
yon. A gỽedy haeach nat oed
y gatwaỻaỽn vn gobeith. ar
gaffel ymchoelut drachefyn
y ynys brydein. O|r diwed ef
a|gafas yn|y gyghor mynet
hyt at selyf vrenhin ỻydaỽ.
y geissyaỽ porth y ganthaỽ y
oresgyn y gyuoeth idaỽ dra+
chefyn. A|gỽedy trossi eu hỽy+
leu parth a ỻydaỽ yn deisyfyt
y kyuodes tymhestyl yn|y
mor. a gỽasgaru eu ỻogeu ar
vyrder hyt nat oed vn o·honunt
gyt a|e gilyd. Ac ỽrth hynny
diruaỽr ofyn a|gymerth ỻyw+
yd ỻog y brenhin. ac ymadaỽ
a|r ỻyỽ a|oruc. a|gadu y ỻog ỽrth
vynny y thyghetuen y ford y
mynnei y harwein. A gỽedy
eu bot veỻy ym perigyl agheu
420
ar hyt y nos hỽnt ac yman
pan doeth gỽaỽr·dyd drannoeth.
ỽynt a|doethant y ynys a|elwit
garneria. ac yno drỽy diruaỽr
lauur y|r|tir. Ac yn|y ỻe kyme+
int o dolur a|ỻit a|gymerth
katwaỻaỽn yndaỽ o achaỽs ry
goỻi y gedymdeithyon. megys
y bu deirnos a thri·dieu yn
gorwed ar y wely heb vynnu
na bỽyt na diaỽt. ac yn|y pe+
dweryd dyd y doeth idaỽ chw+
ant kic hely. ac ỽrth hynny
galỽ breint y nei a|oruc attaỽ.
a menegi idaỽ hynny. Ac yna
y kymerth breint y vỽa a|e sae+
theu. a chrỽydraỽ yr ynys oỻ
a|oruc. y syỻu a|gyfarffei vn
gỽydlỽdyn ac ef. o|r hỽnn y
gaỻei wneuthur bỽyt y arglỽ+
yd. A gỽedy na chafas ef dim
o|r a|geissei. diruaỽr ofyn a gym+
merth breint yndaỽ ỽrth na
aỻei gaffel y damunet y ar+
glỽyd. kanys ˄ofyn oed ganthaỽ dy+
uot y agheu o hynny. ac ỽrth
hynny arueru a|oruc breint
o geluydyt newyd. a thrychu
dryỻ o gehyr y vordỽyt e|hun.
a|e dodi ar uer a|e bobi a|e dỽyn
y|r brenhin. Ac yn|y ỻe gan de+
bygu. mae kic gỽydlỽdyn oed
y gymryt a|e vỽyta a|oruc. a|ry+
uedu na ry|gaỽssei eiryoet y
ueint velyster honno ar gic a+
raỻ.
| « p 93r | p 94r » |