LlGC Llsgr. Peniarth 4 (Llyfr Gwyn Rhydderch, rhan 2) – tudalen 73r
Geraint
73r
425
llad ẏ gweirglodeu. ac ẏ auon
ẏn eu blaẏn ẏ doethant ac
estỽg a oruc ẏ meirch ac ẏuet
ẏ dỽuẏr a|wnaethont a|drẏch+
auel a orugant o|r auon ẏ
riỽ aruchel. ac ẏna ẏ kẏuar ̷ ̷+
uu ac vẏnt glasỽas goad+
uein a|thỽel am ẏ uỽnẏ ẏ*|uẏ ̷ ̷+
nỽgẏl. a bỽrn a|welẏnt ẏn|ẏ
tỽel. ac nẏ vẏdẏnt hỽẏ beth
oed. a ffisser glas bẏchan ẏ ̷ ̷+
n|ẏ laỽ. a fiol ar vẏneb ẏ pis+
ser. a chẏuarch gwell a|oruc
ẏ gỽas ẏ ereint. Dẏỽ a|ro
da it heb·ẏ gereint. ac o pa
le ẏ dewẏ di; pan deuaf heb
ẏnteu o|r dinas ẏssẏd ẏ th ̷ ̷
ulaen ẏna; Arglỽẏd heb ẏn ̷ ̷+
teu ae drỽc gennẏt ti ouẏn
pa le pan|deuẏ ditheu; na
drỽc heb ẏnteu. pan deuaf
˄drỽẏ ẏ coet; racco nẏt|hetiỽ ẏ deuthost ti drỽẏ
ẏ coet. nac ef heb ẏnteu ẏn|ẏ
coet ẏ buum neithwẏr. Mi
a debẏgaf heb ẏnteu na bu
da dẏ ansaỽd ẏno neithwẏr
ac na cheueist na bỽẏt na
diaỽd. Na do ẏ·rof a dẏỽ
heb ef ẏnteu. a wneẏ di
uẏg|kẏghor. i. heb ẏ gỽas
kẏmrẏt ẏ genẏf. i. dẏ gin ̷+
ẏaỽ. Pa rẏỽ ginẏaỽ heb
ẏnteu. Boreuuỽẏd ẏd oed ̷ ̷+
vn ẏn|ẏ anuon ẏ|r paladur+
wẏr racco. Nẏt amgen no
bara a|chic a gwin. ac os
mẏnẏ di vrda nẏ chaffant
hỽẏ dim. Mẏnaf heb ẏnteu
a dẏỽ a|dalo it. a discẏnnu
a oruc gereint a chẏmrẏd
a oruc ẏ ginẏaỽ gỽas ẏ uo+
rỽẏn ẏ|r llaỽr. ac ẏmolchi
426
a orugant a|chẏmrẏt ẏ kin ̷ ̷+
yaỽ a|r gỽas a dauellaỽd ẏ bara
ac a|rotes diaỽt utunt. ac
a|e gwassanaethaỽd o gỽbẏl.
a gvedẏ daruot utunt hẏn ̷+
nẏ; ẏ kẏuodes ẏ gỽas ac ẏ
dẏwaỽd vrth ereint. arglỽ+
ẏd gan dẏ genhẏat mẏui
a|af ẏ gẏrchu bỽyd ẏ|r pala+
durwẏr. Dos ẏ|r dref heb+
ẏ gereint ẏn gẏntaf. a dalẏ
lettẏ ẏ mi ẏn|ẏ lle goreu a|ỽẏ+
pẏch ac ehangaf ẏ|r meirch.
a|chẏmer ditheu heb ef ẏr
un march a uẏnnẏch a|e ar+
ueu gẏt ac ef ẏn dal dẏ|wa+
sanaeth a|th anrec. Dẏỽ a
dalho it heb ẏ gwas a diga+
vn oed hẏnnẏ ẏn tal gỽasa+
naeth a uei uỽẏ no|r un a|wne ̷ ̷+
uthum. i. ac ẏ|r dref ẏd aeth
ẏ gvas. a dala llettẏ goreu
ac esmỽẏthaf a vẏat* ẏn|ẏ
dref a wnaeth. a gwedẏ hẏn+
nẏ ẏd aeth ẏ|r llẏs a|e uarch
a|e arueu ganthaỽ. a dẏuot
a oruc ẏn ẏd oed ẏ iarll a|de+
wedud ẏ gẏfranc oll idaỽ.
a mẏui arglỽẏd a|af ẏny* er+
erbẏn ẏ maccỽẏf ac ẏ uene+
gi ẏ lettẏ idaỽ heb ef. Dos
ẏn llawen heb ẏnteu. a lle+
wenẏd a geif ef ẏma bei as
mẏnei ẏn llawen. ac ẏn
erbẏn gereint ẏ doeth ẏ
gỽas a dẏwedut itaỽ ẏ caf+
fei lewenẏd gan ẏ iarll ẏ+
n|ẏ lẏs e hun. ac nẏ mẏn+
haỽd ef namẏn mẏnet ẏ
e|hun. ac ẏstauell esmỽẏth
a digaỽn o wellt a dillat
ẏndi. a lle ehang esmỽẏth
| « p 72v | p 73v » |