LlGC Llsgr. Peniarth 4 (Llyfr Gwyn Rhydderch, rhan 2) – tudalen 75r
Geraint
75r
433
a|welynt dẏffrẏnt teccaf a|wel ̷+
sei neb eiroet. a ffrif auon ẏ rẏt
ẏ dẏffrẏnt. a ffont a|welẏnt
ar ẏr auon. a|r brifford ẏn dẏuot
ẏ|r bont ac uch laỽ ẏ bont o|r tu
draỽ ẏ|r auon ỽẏnt a|welẏnt
castelldref deccaf a|welsei neb
eiroet. ac ual ẏ kẏrchei ef ẏ
bont ef a|welei vr ẏn dẏuot
tu ac attaỽ trỽẏ uẏrgoet bẏch ̷ ̷+
an teỽ ẏ ar uarch maỽr uchel
ẏmdeithwastat hẏwedualch.
a uarchaỽc heb·ẏ gereint o pa
le ẏ deuẏ di. pan deuaf heb ẏn ̷+
teu o|r dẏffrẏnt issot. a|ỽr heb+
ẏ gereint a dẏwedẏ di ẏ mi
pieu ẏ dẏffrẏn tec hỽnn a|r cas ̷ ̷+
telldref racco; dẏwedaf ẏn
llawen heb·ẏr ẏnteu. Gỽiffret
petit ẏ geilỽ ẏ freinc. a|r bren+
hin bẏchan ẏ geilỽ ẏ kẏmrẏ
ef. aẏ ẏ|r bont racco heb·ẏ Ge ̷ ̷+
reint ẏd af. i. ac ẏ|r brifford
issaf ẏ·dan ẏ dref. Na|dos di
heb ẏ marchaỽc ar ẏ dỽr* ef
o|r tu draỽ ẏ|r bont onẏ mẏnnẏ
ẏmwelet ac ef. Canẏs ẏ gẏn ̷ ̷+
edẏf ẏỽ na daỽ marchaỽc ar
ẏ dir ef na mẏnno ef ẏmwe ̷ ̷+
let ac ef. ẏ·rof a dẏỽ heb·ẏ
gereint mẏui a gredaf gerd ̷ ̷+
af ẏr hỽnnỽ ẏ ford. tebẏccaf
ẏỽ gennẏf. i. heb ẏ marchaỽc
os ẏ·uellẏ ẏ gwneẏ nu ẏ keffẏ
gẏwilid a gỽarthaet ẏn|orulỽg
galonaỽcdic. kerdet a oruc
gereint ẏ ford ual ẏd oet ẏ
uedỽl gẏnn no hẏnnẏ. ac nẏt
ẏ ford a gẏrchei ẏ dref o|r bont
a gerdaỽd ereint namẏn ford
a gẏrchei ẏ geuẏn ẏ calettir
erdrẏm aruchel dremhẏnuaỽr
434
~ ac ual ẏ bẏd ẏ·uellẏ ẏn kerdet
ef a|welei uarchaỽc ẏn|ẏ ol ẏ
ar catuarch cadarndeỽ kerdet+
drut llẏdangarn bron ehang.
ac nẏ welsei eiroet gỽr lei
noc a|welei ar ẏ march a do+
gẏnder o arueu ẏmdanaỽ
ac am ẏ uarch. a|ffan ẏmordi ̷+
wedaỽd a gereint ẏ dẏwaỽt
vrthaỽ. Dẏwet unben heb ef
aẏ o anỽẏbot aẏ ẏnteu o rẏuẏc
ẏ keissut ti colli o·honof. i. uẏ
mreint a|thorri uẏ|ghẏnedẏf.
Nac ef heb·ẏ gereint nẏ ỽẏd+
vn. i. caethau ford ẏ neb. Canẏ
vẏdut heb ẏnteu dẏret gẏt
a|mẏui ẏ|m llẏs ẏ wneuthur
iaỽn im. Nac af mẏn uẏg|kred
heb ẏnteu. Nit aỽn ẏ lẏs dẏ
arglỽẏd onẏt arthur ẏỽ dẏ.
arglỽẏd. Mẏn llaỽ ˄arthur nu heb ef
mi a uẏnaf iaỽn ẏ gennẏt
Neu uinheu a|gaffỽẏf ẏ gen+
nẏt ti diuaỽr* ouut. ac ẏn
dianot ẏmgẏrchu a|orugant
ac ẏsỽein itaỽ ef a|doeth ẏ|eỽ
wasanaethu ar beleidẏr ual
ẏ torrẏnt. a dẏrnodeu calet
tost a rodei paỽb o·nadunt ẏ
gilid. ẏnẏ golles ẏ tarẏaneu
eu holl liv. ac amhrẏduerth
oet ẏ ereint ẏmwan ac ef
rac ẏ uẏchaned ac anhaỽset
craffu arnaỽ a|chalettet ẏ
dẏrnodeu a|rodei ẏnteu. ac
ac nẏ digyassont vẏ o hẏnnẏ
ẏnẏ dẏgỽẏaỽd* ẏ meirch ar
eu glinẏeu. ac ẏn|ẏ diwed
ẏ bẏrẏaỽd gereint ef ẏn ol
ẏ b·en ẏ|r llaỽr. ac ẏna ẏd|aeth+
ont ar eu trad ẏ ẏmfust. a
dẏrnodeu kẏflẏmdic tostdrut
| « p 74v | p 75v » |