Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 97r

Brut y Brenhinoedd

97r

433

gyfnewit aeruaeu y ganthunt.
kanys nyt Jaỽn kadỽ fyd ỽrth
y neb a|vo bratwr yn wastat.
kanys yr pan doethant y saes+
son yn gyntaf y|r ynys honn
yn wastat y maent yn bredychv
yn|kenedyl ni. ac ỽrth hynny
kan·ny dylyy di kadỽ fyd ỽr+
thunt ỽy. kanhatta di y bean+
da ryuelu yn erbyn oswi aelw+
yn. Megys y darffo o|r teruysc
hỽnnỽ y|r neiỻ o·honunt ae|ỻad
ae eu dehol o|r ynys honn. Ac
ỽrth hynny kadwaỻaỽn a|gan+
hadaỽd y beanda ryuelu ar os  ̷+
wi aelwyn. ac odyna peanda a
gynhuỻaỽd ỻu maỽr. ac a|aeth
drỽy humyr ar|torr oswi. a dech+
reu anreithaỽ y gwladoed. a ry+
uelu arnaỽ yn|drut. ac o|r|diwed
rac agheu oswi a·elwyn a gyni+
gyaỽd brenhinolyon rodyon o
eur ac aryant. mỽy noc y geỻit
y gredu y beanda yr peidyaỽ a
ryuelu arnaỽ ac ymchoelut at+
ref. A gỽedy na mynnei beanda
dim y gan oswi. ynteu a syỻaỽd
ar ganhorthỽy duỽ. a chyt bei lei
eiryf y lu no ỻu peanda ef a|rod+
es brỽydyr idaỽ geyr·ỻaỽ auon
winued. A gỽedy ỻad peanda a
dec tywyssaỽc ar|hugeint ygyt
ac ef oswi aelwyn a|gafas y uu+
dugolyaeth. a gỽedy ỻad peanda.
kadwaỻaỽn a rodes y vlfrit y

434

gyuoeth. A hỽnnỽ a|gymerth
abba ac etberth y ryuelu ar
oswi aelwyn. ac o arch katwaỻ+
aỽn ỽynt a gymodassant. A
gỽedy eilenwi wyth mlyned
a deugeint y bonhedickaf a|r
kyuoethockaf gadwaỻaỽn
brenhin y brytanyeit yn|dreu+
lyedic o heneint. pythewnos
gỽedy kalan gaeaf yd aeth o|r
byt hỽnn. a|e gorf a irwyt ac
ireideu gỽerthuaỽr. ac a dodet
y|myỽn delỽ o evyd a|wnathoed+
it ar y vessur a|e veint e|hun.
a|r delỽ honno a|dotet ar|delỽ
march o evyd yn aruaỽc enry+
ued y thegỽch. a honno a|dotet
ar y porth parth a|r gorỻewin
yn ỻundein. yn arwyd y rac·dy+
wededigyon vudugolyaetheu
uchot yr aruthred y|r saesson.
ac ydanaỽ yd adeilỽyt eglỽys
yn|yr honn y kenir offerenneu
rac y eneit ef. ac eneideu cris+
tonogyon y byt oỻ. a hỽnnỽ
vu y tywyssaỽc evydaỽl ar
darogan myrdin. 
A  Gỽedy marỽ kadwaỻaỽn.
kadwalaỽdyr vendigeid y
uab ynteu a|gymerth ỻywo+
draeth y|deyrnas yr|hỽnn a|el+
wis beda clytwaỻt. ar y dechreu
gỽraỽl a thagnefedus y traeth+
aỽd y vrenhinyaeth. ac ympenn
deudeg mlyned gỽedy kymryt