LlGC Llsgr. Peniarth 4 (Llyfr Gwyn Rhydderch, rhan 2) – tudalen 75v
Geraint
75v
435
cadarnchwerỽ a rodei pob un
o·nadunt ẏ gilid. a|thrẏdẏllu
ẏ helmeu a biwaỽ* ẏ ẏ paele+
deu ac ẏssigaỽ ẏr arueu a
orugant ẏnẏ oet eu llẏgeit
ẏn colli eu lleuuer gan ẏ|chỽẏs
a|r gwaet. ac ẏn|ẏ diwed llidi+
aỽ a oruc gereint a galỽ
attaỽ ẏ nerthoed ac ẏn|llidi ̷ ̷+
aỽcdrut gẏflẏmwẏchẏr
greulaỽnfẏrẏf drẏchauel
ẏ gledẏf a oruc a|e daraỽ ẏg
gỽastat ẏ benn dẏnaỽt* ag+
heuaỽldost gỽenỽẏniclẏm
en·girẏalchwerỽ ẏnẏ dẏrr
holl arueu ẏ penn a|r croen
a|r kic ac ẏnẏ uẏd clỽẏf ar
ẏr ascỽrn. ac ẏnẏ uẏd ẏ
gledẏf o laỽ ẏ brenhin bẏch ̷ ̷+
an ẏn eithaf ẏ maes ẏ ̷ ̷
vrthaỽ ar* erchi ẏr dẏỽ naỽd
gereint a|e drugaret a oruc
ẏna. Ti a geffẏ naỽd heb·ẏ
gereint. ac nẏ bu da dẏ ỽẏ ̷ ̷+
bot ac nẏ ỽobuost gẏuar ̷ ̷+
tal gan dẏ|uot ẏn gydẏm+
deith im. ac nad elẏch ẏ|m
erbin eilweith ac o|chlẏwẏ
ouut arnaf ẏ achubeit o+
honot. Ti a|geffẏ hẏnnẏ
arglỽẏd ẏn llawen a|ẏ gred
a gẏmerth ar hẏnnẏ. a|th ̷ ̷+
itheu arglỽẏd heb ef a deuẏ
gẏt a|mẏuẏ ẏ|m llẏs racco
ẏ uỽrỽ dẏ ludet a|th ulinder
ẏ arnat. Nac af ẏ·rof a dẏỽ ̷
heb ẏnteu. ac ẏn* edrẏch a|oruc
gỽiffret petit ar enẏt ẏn ẏd
oed a|thost uu ganthaỽ we ̷ ̷+
led lluossogrỽẏd o ouut ar ̷
dẏn kẏn uonedigeidet a hi.
a dẏwedut ẏna a oruc vrth
436
ereint. Arglỽẏd heb ef cam
a|wneẏ na chẏmerẏ ardẏm+
hereu ac esmỽẏthder ac o|chẏ ̷ ̷+
ueruẏd caledi a|thi ẏn ẏr an ̷ ̷+
saỽd honno nẏ bẏd haỽd it ẏ
oruot. Nẏ mẏnnaỽd Gereint
nam·ẏn kerdet racdaỽ ac ẏs ̷ ̷+
kẏnnu ar ẏ uarch ẏn greulẏt
anesmỽẏth. a|r uorỽẏn a
gẏnhellis ẏ ragor ac vẏnt
a gerdassant parth a|choet a
welẏnt ẏ vrthunt a|r tes oed ̷ ̷
uaỽr a|r arueu drỽẏ chỽẏs a|r
gwaet ẏn glẏnu vrth ẏ gnaỽt.
a gỽedẏ eu dẏuot ẏ|r coet se ̷ ̷+
uẏll a oruc ẏ·dan bren ẏ ochel
ẏ tes a dẏuot cof itaỽ ẏ dolur
ẏna ẏn uỽẏ no fan ẏ caỽsei.
a seuẏll a oruc ẏ uorỽẏn ẏ+
dan ẏ prenn arall. ac ar hẏn+
nẏ vẏnt a glẏwẏnt kẏrn a
dẏgẏuor. Sef ẏstẏr a oet
ẏ hẏnnẏ. arthur a|e niuer a ̷ ̷
oet ẏn diskẏnnu ẏn|ẏ coet.
Sef a oruc ẏnteu medẏlẏaỽ
pa ford ẏd aẏ ẏ eu gochel vẏnt.
ac ar hẏnnẏ nachaf pedestẏr
ẏn|ẏ arganuot. Sef ẏd oed
ẏna was ẏ|r distein a dẏuot
a oruc ar ẏ distein a dẏwedut
itaỽ welet kẏfrẏỽ vr ac a
welsei ẏn|ẏ coet. Sef a oruc
ẏ distein ẏna peri kẏfrỽẏaỽ
ẏ uarch a|chẏmrẏt ẏ waẏỽ
a|e darẏan a dẏuot ẏn ẏd oet
Gereint. a uarchaỽc heb ef
beth a|wneẏ di ẏna. Seuẏll
dan brenn gooer a gochel ẏ
brỽt a|r tes. Pa gerdet ẏssẏt
arnat ti a|fỽẏ vẏt ti. Edrẏch
damweineu a|cherdet ẏ ford
ẏ mẏnỽẏf. Je heb·ẏ kei dẏret
| « p 75r | p 76r » |