LlGC Llsgr. Peniarth 4 (Llyfr Gwyn Rhydderch, rhan 2) – tudalen 77v
Geraint
77v
443
ac ar elor. A|r dỽẏ uorỽẏn a
doethant ẏ|r llẏs. a gwedy
eu dẏuot ẏ|r llẏs ẏd|oed Gere ̷ ̷+
int ar elor welẏ ar ar* daluort
a oed ẏn|ẏ neuad. Diarche ̷ ̷+
nu a oruc paỽb onadunt.
ac erchi a oruc ẏ iarll ẏ enẏt
diarchenu a|chẏmrẏt gỽisc
arall ẏmdanei. Na uẏnhaf
ẏ·rof a dẏỽ heb hi. a unben ̷ ̷+
nes heb ẏnteu na uẏd kẏn
dristet ti a hẏnnẏ. anaỽd ni
iaỽn ẏỽ uẏ|ghẏnghori am hẏn ̷+
nẏ heb hi. Mi a|uanagaf it
heb ẏnteu hyt nat reit it uod ̷
ẏn drist peth bynnac a uo
ẏ marchaỽc racco na bẏỽ na marỽ.
Y mae ẏna Jarllaeth da ti
a|geffẏ honno ẏ|th uedẏant
a minheu gẏt a hi heb ef.
a bẏd lawen hẏfrẏt bellach.
Na uẏdaf lawen ẏ|m kẏf ̷+
fes ẏ dẏỽ heb hi tra uỽẏf
uẏỽ bellach. Dẏret ẏ uỽẏ+
ta heb ef. nac af ẏ·rof a
dẏỽ heb hi deuẏ ẏ·rof a dẏỽ
A dỽẏn gẏt ac ef o|e hanuod
ẏ|r uort ac erchi idi uỽẏta
ẏn uẏnẏch. Na uỽẏtaaf
ẏ|m kẏffes ẏ dẏỽ heb hi ẏnẏ
uỽẏtao ẏ gỽr ẏssẏt ar ẏr elor
racco. Nẏ ellẏ di gẏwiraỽ
hẏnnẏ heb ẏ iarll y gỽr rac+
co neut marỽ haẏach. Mi
a brofaf ẏ allu heb hi. Sef
a oruc ẏnteu kẏnnic fioleit
idi hi. ẏf heb ẏnteu ẏ fiole+
id honn. ac ef a amgena dẏ
sẏnwẏr. Meuẏl ẏ mi heb hi
ot ẏfaf. i. diaỽt ẏnẏ ẏuo
ẏnteu. Je heb ẏ iarll nẏt
gwell ẏ mi uot ẏn hegar
444
vrthẏt ti noc ẏn anhegar.
A rodi bonclust a oruc idi. Sef
a oruc hitheu dodi diaspat
uaỽr arucheldost a dolurẏaỽ
ẏn uoẏ* ẏna o lawer no chẏn
no hẏnnẏ a dod ẏ·dan ẏ med ̷ ̷+
vl pei bẏỽ Gereint na bon ̷ ̷+
clustit hi ẏ·uellẏ. Sef a oruc
gereint ẏna datlẏwẏgu
o datsein ẏ diaspat a|chẏuo+
di ẏn|ẏ eiste a chaffel ẏ gledẏf
ẏm|plẏc ẏ darẏan a dỽẏn
ruthur ẏn ẏd oed ẏ iarll.
a|e daraỽ dẏrnaỽt eidiclẏm
gvenỽẏnnicdost cadarnfer
ẏ|gwarthaf ẏ benn ẏnẏ holl+
tes ẏnteu ac ẏnẏ etteil ẏ
uort ẏ cledẏf. Sef a oruc
paỽb ẏna adaỽ ẏ bordeu a fo
allan. ac nẏt ouẏn ẏ gỽr bẏỽ
a oed uỽẏaf arnunt nam·ẏn
gỽelet ẏ gỽr marỽ ẏn kẏuodi
og eu llad. ac edrẏch a oruc
gereint ar enẏt ẏna a dẏuot
ẏndaỽ deu dolur. un o·honunt
o welet enẏt wedẏ ẏr golli
ẏ lliỽ a|e gỽed. a|r eil onadunt
gỽẏbot ẏna ohonaỽ ẏ bot hi
ar iaỽn. arglỽẏdes heb ef
a vdost|i ti* pa le ẏ mae an
meirch ni. gỽn. i. heb hi pa
ẏd aeth ẏ teu di. ac nẏ vn. i.
pa le ẏd aeth ẏ llall ẏ|r tẏ
racco ẏd aeth dẏ uarch di.
Ẏnteu a doeth ẏ|r tẏ ac a dẏn+
aỽd ẏ uarch allan ac ẏskẏn ̷ ̷+
nu a oruc arnaỽ a|chẏmrẏt
enẏt. i. ar ẏ llaỽr a|ẏ dodi ẏ+
rẏgthaỽ a|r gorẏf. a|cherdet
rogdaỽ ẏm·deith. ac ual ẏ
bẏdẏn uellẏ ẏn kerdet ual
ẏ·rỽg deu gae. a|r nos ẏn
| « p 77r | p 78r » |