LlGC Llsgr. Peniarth 19 – tudalen 100v
Brut y Tywysogion
100v
447
yna y|duc y saesson vrenhin+
yaeth powys yn eu medyant.
ac y|bu uarỽ howel. Deng
mlyned ar|hugeint ac ỽyth
cant oed oet crist pan vu diff+
yc ar y ỻeuat yr wythuet
dyd o vis racvyr. ac y bu
uarỽ satubin escob mynyỽ.
Deugeint mlyned ac ỽyth
cant oed oet crist. pan wledy+
chaỽd meuric escob ym my+
nyỽ. ac y bu uarỽ Jdwaỻa+
ỽn. ac y bu weith ketyỻ. ac
y bu varỽ meruyn. ac y bu
weith finnant. ac y ỻas J+
thel vrenhin gỽent y|gan
wyr brecheinaỽc. Deg mly+
ned a|deugeint ac wythcant
oed oet crist. pan las meuric
y gan y saeson. ac y tagỽyt
kyngen y gan y genedloed.
ac y diffeithwyt mon y gan
y kenedloed duon. ac y bu
uarỽ kyngen. brenhin pow+
ys yn ruuein. ac y bu uarỽ
Jonathal tywyssaỽc aberge+
leu. Trugeint mlyned ac w+
ythcant oed oet crist pan yrrỽ+
yt katweithen ymeith. ac y
bu uarỽ kynan vant niuer.
ac y diffeithỽyt kaer efraỽc
yg|kat dubkynt. Deg mly+
448
ned a|thrugeint ac wythcant oed
oet crist pan vu gat kryn onnen.
ac y torret kaer alclut y gan
y paganyeit. ac y|bodes gỽgaỽn
uab meuric brenhin keredigy+
aỽn. ac y bu weith bangoleu a
gỽeith menegyd ym mon. ac
y|bu varỽ meuric esgob bonhe+
dic. ac y kymerth lỽmbert esco+
baỽt vynyỽ. ac y bodes dỽrngarth
brenhin kernyỽ. ac y bu weith
duỽ sul ym mon. ac y ỻas rodri
a gwryat y vraỽt y gan y saes+
son. ac y bu varỽ aed uab meỻt.
Pedwar ugeint mlyned ac wyth
cant oed oet crist. pan vu weith
conỽy y dial Rodri o duỽ. Deng
mlyned a phedwar ugeint ac
wythcant oed oet crist pan vu
varỽ subin y doethaf o|r yscot+
teit. ac yna y doeth y norman+
yeit duon eilweith y gasteỻ
baldwin. ac y bu uarỽ hein+
uth uab bledri. ac yna y doeth
anaraỽc y diffeithaỽ kere+
digyaỽn. ac ystrat tewi. Ac y+
na y diffeithaỽd y norman+
yeit loegyr. a brecheinyaỽc. a
morgannỽc. a gỽent. a bueỻt
gỽnỻỽc. Ac|yna y diffygyaỽd
bỽyt yn Jwerdon. kanys pryf+
et o nef a|dygỽydaỽd ar weith
| « p 100r | p 101r » |