Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 80v

Culhwch ac Olwen

80v

455

deu par arẏanhẏeit lliueit
ẏn|ẏ ll laỽ. Gleif penntirec
ẏn|ẏ laỽ kẏuelin dogẏn gỽr
ẏndi o drum hẏt aỽch. ẏ gỽaet
ẏr* ar ẏ gỽẏnt a|dẏgẏrchei
bẏdei kẏnt no|r gwlithin kẏn  ̷+
taf o|r konyn hẏt ẏ llaỽr pan
uei uỽẏaf ẏ gỽlith mis mehe  ̷ ̷+
uin. Cledẏf eurdỽrn ar ẏ
glin a|racllauẏn eur itaỽ.
ac ẏaẏs eurcrỽẏdẏr arnaỽ.
a lliỽ lluchet nef ẏndi. ~
a|lloring elifeint ẏndi. a deu
uilgi uronwẏnẏon urẏchẏ  ̷ ̷+
on racdaỽ a gordtorch rudeur
am u·ẏnỽgẏl pob un o cnỽch
ẏscỽẏd hẏt ẏskẏuarn ẏr hỽn
a uei o|r parth asseu a|uẏdei
o|r parth deheu. a|r hỽnn a|uei
o|r parth deheu a uẏdei o|r
parth asseu. Mal dỽẏ mor  ̷ ̷+
wennaỽl ẏn|darware ẏn|ẏ
gẏlch. Pedeir tẏwarchen
a ladei pedwarcarn ẏ gorỽẏd
mal pedeir gỽennaỽl ẏn ẏr
awẏr uch ẏ benn gweitheu
uchtaỽ gveitheu istaỽ.
llenn borfor pedeir ael ẏm  ̷ ̷+
danaỽ ac aual rudeur vrth
pob ael iti. can|mu oed werth
pob aual. Gwerth trẏchan  ̷
mu o eur gwrẏth gỽerth  ̷ ̷+
uaỽr a oed ẏn|ẏ archenat.
a|e warthafleu sangnarỽẏ
o benn ẏ glun hẏt ẏmblaẏn
ẏ uẏs. Nẏ chỽẏuei ulaen
blewẏn arnaỽ rac ẏscaỽn  ̷ ̷+
het tuth ẏ gorỽẏd ẏ·danaỽ
ẏn kẏrchu porth llẏs arthur.

456

amkaỽd ẏ mab. a oes porth  ̷+
aỽr. Oes a|thitheu nẏ bo
teu dẏ benn pẏr* ẏ kẏuerchẏ
di. Mi a|uẏdaf porthaỽr ẏ arthur
pob dẏỽ kalan ionaỽr. a|m rac+
louẏeit hagen ẏ ulỽẏdẏn eith  ̷ ̷+
ẏr hẏnnẏ. Nẏt amgen huan  ̷ ̷+
daỽ. a gogigỽc. a llaes kemẏn.
a ffenpingẏon a ẏmda ar ẏ penn
ẏr eirẏach ẏ draet nẏt vrth
nef nẏt vrth daẏar. mal maen
tirig treigẏl ar laỽr llẏs. agor
ẏ porth; nac agoraf. pỽẏ ẏstẏr
na|s agorẏ ti. Kẏllell a edẏỽ
ẏ mỽẏt. a|llẏnn ẏ|mual. ac
amsathẏr ẏ neuad arthur.
Namẏn mab brenhin gvlat
teithiaỽc. neu ẏ gerdaỽr a
dẏcco ẏ gerd nẏ atter ẏ mẏỽn.
llith ẏ|th gỽn ac ẏd ẏ|th uarch.
a golỽẏthon poeth pebreit. i.
titheu. a gỽin gorẏscalaỽc. a
didan gerdeu ragot. bỽẏt
degwẏr a deugeint a daỽ attat
ẏ|r ẏspẏttẏ ẏno ẏ bỽẏta pellenig+
ẏon. a mabẏon gỽladoed ereill
nẏd ergẏttẏo kerth ẏn llẏs arthur
Nẏ bẏd gỽaeth in* ẏno noc·et
ẏ arthur ẏn|ẏ llẏs. Gwreic ẏ
gẏscu gennẏt. a didan gerdeu
rac dẏ deulin. ẏuorẏ prẏt an  ̷ ̷+
terth pan agoraỽr ẏ porth rac
ẏ niuer a dothẏỽ hediỽ ẏma;
bẏdhaỽt ragot ti gẏntaf ẏd
agoraỽr ẏ porth. a|chẏ·ueisted
a|wnelẏch ẏn|ẏ lle a|dewissẏch
ẏn neuad arthur. o|e gỽarthaf.
hẏd ẏ gỽaelaỽd. Dẏwedut
a oruc ẏ mab nẏ wnaf. i. dim