Breudwd Rhyddiaith Gymraeg 1300-1425
English

LlGC Llsgr. Peniarth 4 (Llyfr Gwyn Rhydderch, rhan 2) – tudalen 83r

Culhwch ac Olwen

83r

465

os mab ẏ mi uẏd kẏndẏnnẏ+
aỽc uẏd. kẏnedẏf arall a
uẏd arnaỽ; pan dẏcco beich
na maỽr na bẏchan uo; nẏ
welir uẏth na rac vẏneb na
tha* |e|geuẏn. Kẏnedẏf arall
a uẏd arnaỽ nẏ feit neb dỽ+
uẏr a|than ẏn gẏstal ac ef.
Kẏnedẏf arall a uẏd arnaỽ
nẏ bẏd gỽasanẏthur* na sỽẏd+
vr mal ef. Henwas. a Hen
vẏneb. a hengedẏmdeith.
Gallgoic un arall ẏ dref ẏ*
dref ẏ delhei idi kẏt bei trẏch  ̷ ̷+
antref ẏndi o|r bei eisseu
dim arnaỽ nẏ adei ef hun
uẏth ar legat dẏn tra uei
ẏndi. Berwẏnn mab kẏ  ̷ ̷+
renẏr. a|fferis brenhin
freinc. ac am hẏnnẏ ẏ gel  ̷ ̷+
wir kaer paris. Osla gẏll+
elluaỽr a ẏmdẏgei bron  ̷ ̷+
llauẏn uerllẏdan pan del  ̷ ̷+
hei arthur a|e luoed ẏ uron
llifdỽr ẏ keissit lle kẏuẏg
ar ẏ dỽuẏr. ac ẏ dodit ẏ
gẏllell ẏn|ẏ gwein ar|draỽs
ẏ llifdỽr digaỽn o bont uẏd  ̷ ̷+
ei ẏ lu teir ẏnẏs prẏdein
a|e|their rac·ẏnẏs ac eu an  ̷ ̷
hanreitheu. Gỽẏdaỽc mab
menester a|ladaỽd kei. ac
arthur a|ẏ lladaỽd ẏnteu
a|e urodẏr ẏn dial kei. Ga  ̷ ̷+
ranwẏn mab kei. ac amren
mab bedwẏr. ac elẏ a Mẏr
a Reu rỽẏddẏrẏs. a Run
rudwern. ac eli a|thrach  ̷ ̷+
mẏr penkẏnẏdẏon arthur

466

A lluẏdeu mab kelcoet.
A huabỽẏ mab gỽrẏon
a gỽẏnn gotẏuron. A gỽeir
dathar|wenidaỽc. a gỽeir
mab kadellin tal aryant
A gỽeir gỽrhẏd enwir. A
Gỽeir gwẏn paladẏr ẏwẏth  ̷ ̷+
red ẏ arthur brodẏr ẏ uam
Meibon llỽch llaỽwẏnnẏaỽc
o|r tu draỽ ẏ uor terwẏn.
Llenlleaỽc vẏdel. ac ardẏrch+
aỽc prẏdein. Cas mab saidi.
Gỽruan gỽallt auỽẏn. Gỽilen+
hen brenhin freinc. Gỽittart
mab aed brenhin iwerdon.
Garselit vẏdel. Panaỽr
penbagat. Atleudor mab naf
Gỽẏnn hẏuar maer kernẏỽ
a dẏfneint naỽuet a esto  ̷ ̷+
ues cat|gamlan. kelli. a|chuel.
A gilla. goeshẏd trẏchan|herỽ
a|lammei ẏn|ẏ un llam. penn
llemidit Jwerdon. Sol. a
gỽadẏn. ojsol. a gỽadẏn odeith.
Sol a|allei seuẏll un dẏt ar
ẏ un troet. Gỽadẏn ossol
pei safhei ar benn ẏ mẏnẏd
mỽẏaf ẏn|ẏ bẏd. ef a|uẏdei
ẏn|tẏno gỽastat dan ẏ droet.
Gỽadẏn odeith kẏmeint
a|r uas tỽẏm pan dẏnhet
o|r eueil oed tan|llachar ẏ
wadneu pan gẏuarfei
galet ac ef. ef a|arllỽẏssei
ford ẏ arthur ẏn lluẏdd.
Hir|erỽm. a|hir|atrỽm ẏ dẏd
ẏ delhẏnt ẏ west trẏchan+
tref a achubeint ẏn eu
kẏuereit gỽest hẏt naỽn