LlGC Llsgr. Peniarth 19 – tudalen 105v
Brut y Tywysogion
105v
467
y doeth gỽilym bastard bren+
hin y saesson a|r freingk a|r
brytanyeit. ỽrth wediaỽ drỽy
bererindaỽt y vynyỽ. Pedw+
ar ugein mlyned a mil oed
oet crist pan edewis sulyen
y escobaỽt y dryded weith.
ac y kymerth wilffre. Ac yna
y bu uarỽ gỽilym bastard
tywyssaỽc y normanyeit. a
brenhin y saeson a|r brytany+
eit a|r albanwyr gỽedy diga+
ỽn o ogonyant a chlot y ỻi+
thredic vyt yma. a gỽedy go+
gonedussyon uudugolyaeth+
eu ac enryded a goludoed. A gỽ+
edy ef y gỽledychaỽd gỽilym
goch y vab. ac yna y gỽrthlad+
ỽyt rys uab tewdỽr o|e gyuo+
eth a|e|deyrnas y gan veibyon
bledyn uab kynvyn. nyt am+
gen madaỽc a chadỽgaỽn a
ridyt. ac ynteu a gilyaỽd y
Jwerdon. ac yn|y ỻe gỽedy hyn+
ny y kynnuỻaỽd ỻyghes. ac
yd ymchoelaỽd drachefyn. Ac
yna y bu vrỽydyr ỻych crei. ac
y ỻas meibyon bledyn. ac y
rodes rys uab tewdỽr diruaỽr
sỽỻt y|r ỻygheswyr yscotteit
a|r gỽydyl a dathoedynt yn
borth idaỽ. Ac yna y ducpỽyt
468
yscrin dewi yn ỻedrat o|r eglỽys
ac yd yspeilỽyt yn ỻỽyr yn ym+
yl y|dinas. ac yna y crynaỽd
y daear yn diruaỽr drỽy hoỻ
ynys brydein. Ac yna y bu ua+
rỽ sulyen escob mynyỽ y doeth+
af o|r brytanyeit. ac ardercha+
ỽc o grefydus uuched. wedy
clotuorussaf dyscedigaeth y
disgyblon. a chraffaf dysc y
plỽyfeu. y bedwar ugeinuet
vlỽydyn o|e oes. a|r vnuet eis+
seu o ugein o|e gyssegredigaeth
nos galan Jonaỽr. ac yna y
torret mynyỽ y gan genedyl
yr ynyssed. ac y bu uarỽ kedi+
uor uab goỻwyn. a ỻywelyn y
uab. a|e vrodyr a wahaỽdyssant
ruffud uab maredud. ac yn|y
erbyn yd ymladaỽd rys uab
teỽdỽr. ac y|gyrraỽd ar fo. ac yn
y diwed y ỻadaỽd. Deg mly+
ned a phedwar ugein a|mil oed
oet crist pan las Rys uab tew+
dỽr brenhin deheubarth y|gan
y freingk a|oedynt yn pressỽ+
ylaỽ brecheinyaỽc. ac yna
y dygỽydaỽd teyrnas y bry+
tanyeit. Ac yna yd yspeilya+
ỽd kadỽgaỽn uab bledyn dy+
uet yr eildyd o vei. ac odyna
deu uis wedy hynny amgylch
| « p 105r | p 106r » |