LlGC Llsgr. Peniarth 19 – tudalen 106r
Brut y Tywysogion
106r
469
kalan gorfenhaf y doeth y fre+
ingk y dyuet. a cheredigyaỽn
y rei a|e kynhalyassant drỽy da+
lym o amser. ac a gadarnhaas+
sant y kestyỻ a hoỻ tir y bryta+
nyeit. Ac yna y ỻas y moel cỽ+
lỽm uab dỽnchath brenhin y
picteit a|r albanyeit y gan y
freingk. ac etwart y vab. ac yna
y gỽediaỽd Margaret vrenhines
gỽreic y moel cỽlỽm ar duỽ drỽy
ymdiryet yndaỽ gỽedy clybot
ỻad y gỽr a|e mab. hyt na bei
vyỽ hi yn|y varwaỽl uuched ym+
ma. a gỽarandaỽ a|oruc duỽ y
gỽedi. kanys erbyn y seithuet
dyd y bu uarỽ. Ac yna yd|aeth
gỽilym goch vrenhin yr hỽnn
kyntaf a oruu ar y saesson o
glotuorussaf ryuel hyt yn nor+
mandi. y gadỽ ac y amdiffyn te+
yrnas rotpert y vraỽt. yr hỽnn
a|athoed hyt yng|kaerussalem y
ymlad a|r sarascinyeit a|r kened+
loed ereiỻ aghyfyeith. ac y amdif+
fyn y cristonogyon. ac y haedu
mỽy o glot. a gỽilym yn trigyaỽ
yn normandi. y gỽrthladaỽd y
brytanyeit ỻywodraeth y freingk
heb aỻel godef eu creulonder. a
thorri eu kestyỻ yg|gỽyned. a my+
nychu anreithaỽ a ỻaduaeu ar+
470
nadunt. Ac yna y duc y fre+
ingk luoed hyt yg|gỽyned.
a|e kyferbynyeit a|oruc ka+
dỽgaỽn uab bledyn. ac eu
kyrchu a goruot arnadunt.
ac eu gyrru ar|fo. a|e ỻad o
diruaỽr ladua. a|r vrỽydyr
honno a wnaethpỽyt yng|koet
yspỽys. Ac yn|diwed y vlỽydyn
honno y torres y brytanyeit
hoỻ gestyỻ keredigyaỽn a|dy+
uet. nyt amgen penvro a ryt
y gors. a|r bobyl a hoỻ aniueile+
it dyuet a|dugassant ganthunt
ac adaỽ a|wnaethant dyuet a
cheredigyaỽn yn diffeith. Y
vlỽydyn rac·wyneb y diffeitha+
ỽd y freingk gỽhyr a chetweli
ac ystrat tywi. ac y trigyaỽd
y gỽladoed yn diffeith. a hanner
y kynhaeaf y kyffroes gỽi+
lym vrenhin lu yn erbyn y
brytanyeit. A gỽedy kymryt
o|r brytanyeit eu hamdiffyn
yn|y coedyd a|r glynnoed yd ym+
choelaỽd gỽilym adref yn orỽ+
ac heb enniỻ dim. Y|vlỽydyn
rac·wyneb y bu uarỽ gỽilym
uab baldwin yr hỽnn a rỽndỽ+
alhaỽd casteỻ ryt y gors. ac
yna y gỽrthladaỽd brytanyeit
brecheinyaỽc a gỽent a gỽen+
[ ỻỽc
| « p 105v | p 106v » |