LlGC Llsgr. Peniarth 19 – tudalen 107r
Brut y Tywysogion
107r
473
y ar vor Jwerdon drỽy gym+
ryt y rodyon a|r gobreu y gan
y freingk. Ac yna yd edewis ka+
dỽgaỽn uab bledyn a grufud
uab kynan ynys von. ac y|ki+
lyassant y Jwerdon rac ofyn
tỽyỻ eu gỽyr e|hunein. Ac y+
na y doeth y freingk y|myỽn
y|r ynys ac y ỻadyssant rei o
wyr mon. Ac ual yd oedynt
yn trigyaỽ yno y doeth mag+
nus vrenhin germania. a rei
o|e logeu ganthaỽ hyt ym
mon drỽy obeithaỽ kaffel go+
resgyn ar wladoed y brytanye+
it. A gỽedy clybot o vagnus
vrenhin y freingk yn mynych
vedylyaỽ diffeithaỽ yr hoỻ wlat
a|e dỽyn hyt ar dim. dy·vryssyaỽ
a|oruc y eu kyrchu ỽy. Ac ual
yd oedynt yn ymsaethu y neiỻ
rei o|r mor a|r rei ereiỻ o|r tir y
brathỽyt hu Jarỻ yn|y wyneb.
ac o laỽ y brenhin e|hun yn|y
vrỽydyr y syrthyaỽd. Ac yna
yd edewis magnus vrenhin
drỽy deissyfyt gyghor teruy+
neu y|wlat. a|dỽyn a|oruc y
freingk oỻ a maỽr a bychan
hyt att y saesson. A gỽedy na
aỻei y gỽyndyt diodef kyfre+
theu a|barneu a|threis y freingk
474
arnunt. Kyuodi a|orugant
eilweith yn eu herbyn. ac ow+
ein uab etwin yn dywyssaỽc
arnadunt y gỽr a|dugassei y
freingk gynt y von. Y vlỽydyn
gỽedy hynny yd ymchoelaỽd
kadỽgaỽn uab bledyn. a gru+
fud uab kynan o Jwerdon.
A gỽedy hedychu a|r freingk
o·nadunt. rann o|r wlat a|ach+
ubassant. Kadỽgaỽn uab
bledyn a|gymerth keredigy+
aỽn a|chyfran o bowys. a
gruffud a|gafas mon. Ac yna
y ỻas ỻywelyn uab kadỽgaỽn
y gan wyr brecheinyaỽc. ac yd
aeth howel uab Jthel y Jwer+
don. Yn|y vlỽydyn honno y bu
rychmarch doeth mab sulyen
escob. y|doethaf o doethon y
brytanyeit. y dryded vlỽydyn
a|deugein o|e oes. y|gỽr ny dam+
chweinyaỽd yn yr oessoed kyn+
noc ef kaffel y gyffelyb. ac nyt
haỽd credu na|thebygu kaffel
y gyfryỽ gỽedy ef. ac ny chaỽs+
sei dysc gan araỻ eiryoet dy+
eithyr y gan y dat e|hun. gỽe+
dy adassaf enryded y genedyl
e|hun. a|gỽedy clotuorussaf ac
atnewydussaf ganmaỽl y gyf+
nessafyon genedloed. nyt amgen
| « p 106v | p 107v » |