LlGC Llsgr. Peniarth 19 – tudalen 107v
Brut y Tywysogion
107v
475
saesson a freingk a|chenedlo+
ed ereiỻ o|r tu draỽ y vor. A
hynny trỽy gyffredin gỽyn+
uan paỽb yn doluryaỽ yn eu
caỻonneu am y varỽ. Yn|y
ulỽydyn rac·wyneb y ỻas gỽ+
ilym goch brenhin y saesson
yr hỽnn a wnaethpỽyt yn
vrenhin gỽedy gỽilym y dat.
Ac ual yd oed hỽnnỽ dydgỽeith
yn hely gyt a henri y braỽt
Jeuaf idaỽ. a rei o|e marcho+
gyon gyt ac ỽynt y brathỽyt
a saeth y gan waỻter turel
marchaỽc idaỽ e|hun pan
yttoed yn bỽrỽ karỽ. y medra+
ỽd y brenhin ac y lladaỽd. A
phan weles henri y vraỽt yn+
teu hynny. gorchymyn a|oruc
corf y vraỽt y|r marchogyon
a|oedynt yn|y ỻe. ac erchi ud+
unt gỽneuthur brenhinaỽl
arỽylant idaỽ. ac ynteu a|ger+
daỽd hyt yg kaer wynt yn|y
ỻe yd oed sỽỻt y brenhin a|e
vrenhinolyon oludoed. ac ach+
ub y rei hynny a|oruc. a|galỽ
attaỽ hoỻ dylỽyth y brenhin.
a mynet o·dyna hyt yn ỻun+
dein a|e goresgyn yr honn ys+
syd bennaf a choron ar hoỻ
vrenhinyaeth loegyr. Ac yna
476
y kytredassant attaỽ freing a
saesson y·gyt. ac o|vrenhinaỽl gor*
y gossodassant ef yn vrenhin yn
ỻoegyr. Ac yn|y ỻe y kymerth yn+
teu yn wreic briaỽt idaỽ vahalt
verch y moel cỽlỽm brenhin
prydein o vargret vrenhines
y mam. a honno drỽy y phrio+
di a|ansodes ef yn vrenhines.
kanys gỽilym goch y vraỽt ef
yn|y vywyt a aruerassei o order+
chadeu. ac ỽrth hynny y buas+
sei varỽ heb etiued. Ac yna yd
ymchoelaỽd y braỽt hynaf u+
dunt yn vudugaỽl o gaerussa+
lem. ac y bu uarỽ thomas ar+
chescob kaer efraỽc. ac yn|y ol
ynteu y dynessaaỽd gerart a
vuassei escob yn henford kynno
hynny. ac y drychafaỽd henri
vrenhin ef ar deilygdaỽt a|oed
uch yn archesgob yng|kaer ef+
raỽc. ac yna y kymerth anselm
archesgob keint drachefyn y
archesgobaỽt drỽy henri vrenhin.
yr honn a|adaỽssei yn amser
gỽilym goch vrenhin o achaỽs
enwired hỽnnỽ a|e greulonder.
Kanny welei ef hỽnnỽ yn gỽ+
neuthur dim yn gyfyaỽn. o or+
chymynneu duỽ nac o lywo+
draeth brenhinaỽl deilygdaỽt.
| « p 107r | p 108r » |