LlGC Llsgr. Peniarth 4 (Llyfr Gwyn Rhydderch, rhan 2) – tudalen 13r
Yr ail gainc
13r
49
ẏ gỽnaethpỽẏt ẏ foen. Je arglỽ·ẏd
heb ẏ ỽẏr ỽrth uatholỽch par ỽeithon
ỽahard ẏ llongeu a|r ẏscraffeu a|r
corẏgeu ual nat el neb ẏ gẏmrẏ
ac a|del ẏma o|gẏmrẏ carchara ỽẏ ̷ ̷+
nt na na* at trachefẏn rac gỽẏbot
hẏnn. ac ar hẏnnẏ ẏ diskẏnẏssant
blỽẏnẏded nit llei no their ẏ buant
ẏ·uellẏ. ac ẏn hẏnnẏ meithrẏn e ̷+
derẏn drẏdỽen a|ỽnaeth hitheu
ar dal ẏ|noe gẏt a|hi a dẏscu ieith
idi a menegi ẏ|r ederẏn ẏ rẏỽ ỽr
oed ẏ braỽt. a|dỽẏn llẏthẏr ẏ poen ̷+
eu a|r amharch a oed arnei hitheu.
a|r llẏthẏr a|rỽẏmỽẏt am uon eskẏll
ẏr ederẏn a|ẏ anuon parth a|chẏmrẏ.
a|r ederẏn a doeth ẏ|r ẏnẏs honn. sef
lle ẏ cauas uendigeiduran ẏg|kaer
seint ẏn aruon ẏn dadleu idaỽ dẏd+
gỽeith a|diskẏnnu ar e|ẏscỽẏd a ga ̷+
rỽhau ẏ phluf ẏnẏ arganuuỽẏt ẏ
llẏthẏr ac ad·nabot meithrẏn yr ̷
ederẏn ẏg|kẏuanned. ac ẏna kẏm ̷+
rẏt ẏ llẏthẏr a|ẏ edrẏch. a|phan dar ̷ ̷+
lleỽẏt ẏ|llẏthẏr dolurẏaỽ a|ỽnaeth
o|glẏbot ẏ poen oed ar uranỽen a de ̷ ̷+
chreu o|r lle hỽnnỽ peri anuon ken ̷ ̷+
nadeu ẏ dẏgẏuorẏaỽ ẏr ẏnẏs honn
ẏ·gẏt. ac ẏna ẏ peris ef dẏuot llỽẏr
ỽẏs pedeir degỽlat a seith|ugeint
hẏt attaỽ. ac e|hun cỽẏnaỽ ỽrth hẏn ̷+
nẏ bot ẏ poen a|oed ar ẏ chỽaer. ac
ẏna kẏmrẏt kẏnghor. Sef kẏnghor
a gahat kẏrchu iỽerdon ac adaỽ sei+
thỽẏr ẏ|dẏỽẏssogẏon ẏma. a chra ̷+
daỽc uab bran ẏ benhaf. ac eu|seith
50
marchaỽc ẏn edeirnon ẏd edeỽit
ẏ gỽẏr hẏnnẏ. ac o achaỽs hẏnnẏ
ẏ dodet seith marchaỽc ar ẏ|dref.
Sef seithỽẏr oedẏnt. Cradaỽc uab
bran. ac euehẏd hir. ac unic gleỽ
ẏscỽẏd. ac idic uab anaraỽc ỽallt
grỽn. a fodor uab eruẏll. ac ỽlch
minasgỽrn. a llashar uab llaẏssar
llaesgẏgỽẏt. a phendaran|dyuet
dẏuet ẏn ỽas ieuanc gẏt ac ỽẏ.
Ẏ seith hẏnnẏ a|drigỽẏs ẏn seith
kẏn·ueissat ẏ|sẏnẏaỽ ar ẏr ẏnẏs
honn. a chradaỽc uab bran ẏn ben+
haf kẏnỽeisẏat arnunt. Bendige+
iduran a|r ẏniuer a|dẏỽedẏssam
ni a|hỽẏlẏssant parth ac iỽerdon
ac nẏt oed uaỽr ẏ|ỽeilgi ẏna ẏ|ue+
is ẏd aeth ef. nẏt oed namẏn dỽẏ
auon. lli. ac archan ẏ|gelỽit. a gue+
dẏ hẏnnẏ ẏd amlaỽẏs ẏ|ỽeilgi pan
oreskẏnỽẏs ẏ ỽeilgi ẏ tẏrnassoed.
ac ẏna ẏ|kerdỽẏs ef ac a|oed o gerd arỽest
ar ẏ geuẏn e|hun a chẏrchu tir iỽer+
don. a meicheit matholỽch a|oedẏnt
ar lan ẏ ỽeilgi dẏdgueith ẏn troi
ẏgkẏlch eu moch. ac o achaỽs dre+
mẏnt a ỽelsant ar ẏ|ỽeilgi ỽẏ a|doeth+
ant at matholỽch. arglỽẏd heb vẏ
henpẏch guell. Duỽ a rodo da ẏỽch
heb ef. a chỽedleu genhỽch. arglỽẏd
heb ỽẏ mae genhẏm ni chỽedleu
rẏued. coet rẏ|ỽelsom ar ẏ ỽeilgi
ẏn|ẏ lle nẏ ỽelsam eirẏoet un pr+
enn. llẏna beth eres heb ef. a ỽe+
leỽch ỽchi* dim namẏn hẏnnẏ.
Gỽelem arglỽẏd heb ỽẏ mẏnẏd
| « p 12v | p 13v » |