LlGC Llsgr. Peniarth 5 (Llyfr Gwyn Rhydderch, rhan 1) – tudalen 71r
Ystoria Carolo Magno: Chronicl Turpin
71r
51
oedỽn ỽelet charlys. ~
A gwedy kyghreiraỽ ona+
dunt dyuot aigoland
a|e luoed o|r gaer. ac a+
daỽ y|luoed a oruc a|dyuot ar
y|trugeinuet o|e bennadurye+
it rac bronn charlys a|e luo+
ed ar villtyr y ỽrth y gaer. ac
yna yd oed y deu lu ar vaes ̷ ̷+
tir gỽastat ger llaỽ y|gaer.
hỽe milltyr yn|y ehaget tu a
seint iac. a|r ford y·rygtunt.
Ae tidi aigoland a|duc vyn tir
o dỽyll y|genhyf. dayar yr yspa+
en. a gỽasgỽyn. a geisseis. i. o
ganhorthỽy duỽ. a darestygeis
y|gristonogaỽl deduev. ac a|m+
hoeleis i holl vrenhined adan
vy arglỽydiaeth. i. a phan ym+
hoeleis ynhev y freinc y lledeist
tithev cristonogyon duỽ. ac y
distryỽeist vyg|keyryd ynhev
a|m kestyll. a|diua yr holl ỽlat
o|tan. a chledyf. o|r hynn yd|ỽyf|i
yn gyndrychaỽl yn|y gỽynaỽ
yn vaỽr. a phan adnabu aigol+
and y|ymadraỽd arabu a|ryf*+
eu a|oruc. a llaỽenhav. Canys
saracinneit ry|dyssgassei char+
lys yn tỽlet pan uuassaei gynt
yno yn ieuanc. ac yna y|dyỽ ̷+
at aigoland ỽrthaỽ. Mi a arch+
af iti heb ef dyỽedut ymi pa+
ham y goresgynnvt ti tir ny pher+
thynei it o tref·tadaỽl dylyet
nac y|th tat. nac y|th hendat.
52
nac y|th orhentat y gan yn kene+
dyl ni. Dyỽedaf heb charlys
ỽrth ry|dethol o|n harglỽyd ni
iessu grist creaỽdyr nef a dayar
yn kenedyl ni cristonogyonn
ymlaen pob kenedloed ereill ac
a ossodes y bot yn pennadur ar
pob kenedyl o|r holl vyt. a|r me+
int a elleis inhev mi a ymho+
eleis dy genedyl saracinnyeit
titheu ỽrth yn dedyf nynhev.
val an·heilỽg yaỽn heb·yr ai+
goland oed estỽg yn kenedyl
ni y|r einỽch chỽi. pan vo gỽell
yn kenedyl no|r einỽch. Mae yni
mahumet a fu gennat y duỽ
ac a anuones y|nynhev y gorchy+
mynnev a gatỽun. a duỽyeu
holl·gyuoethaỽc yssyd yni a ̷
dangossant yny y petheu a uo
rac llaỽ o arch mahumet. ac
ỽyntev a anrededỽn ni trỽy y
rei y buchedoccaỽn. ac y gỽle+
dychỽn. Aigoland heb charlys
yd|ỽyt yna yg|kyfeilornn. Ca+
nys nini a gatỽỽn deduev duỽ
a|chỽithev gorỽac gorchymyn ̷+
nev dyn gorỽac* yssyd yỽch. Ni+
ni a|gredỽn y|duỽ tat. a|r mab.
a|r yspryt glan. ac a|e hadolỽn.
chỽitheu a gredỽch ac a adol ̷+
ỽch y|r diaỽl yn|ych geu dỽyeu.
a|n heneitev ni trỽy y|fyd a|gyn+
halyỽn. ỽedy agheu a gerdant
y baradỽys. ac y vuched tragy+
ỽyd. a|ch|eneitev chỽitheu a|ger+
| « p 70v | p 71v » |