LlGC Llsgr. Peniarth 19 – tudalen 127r
Brut y Tywysogion
127r
553
rys uab grufud. a diruaỽr lu
ygyt ac ef gasteỻ ystrat kyn+
gen. a mis mei wedy hynny y
kyrchaỽd maredud a|rys veiby+
on grufud ygyt gasteỻ aber
uyn. A gỽedy ỻad y casteỻ·wyr
a ỻosgi y casteỻ. diruaỽr anre+
ith. ac an·eiryf o·ludoed a du+
gant ganthunt. Odyna eil+
weith y diffeithyaỽd rys gyuei+
laỽc drwy vudugolyaeth. Y
vlỽydyn honno y bu uarỽ dauyd
uab y moel cỽlỽm brenhin yr
prydein alban. Y vlỽydyn honno y
bu uarỽ randỽlf Jarỻ kaer
ỻion. Y vlỽydyn honno yd|aeth
cadeỻ uab grufud y bererinda+
ỽt. ac yd edewis y hoỻ vedyant
a|e aỻu yg|kadwiraeth* mare+
ud a rys y vrodyr yny delei ef.
Y vlỽydyn honno y bu uarỽ
ystefyn vrenhin. y gỽr a gynha+
lyaỽd brenhinyaeth loegyr y
dreis yn ol henri uab gỽilym
bastart. a gỽedy hỽnnỽ y doeth
henri uab yr amherodres y loe+
gyr. ac y kynhalyawd hoỻ loe+
gyr. Y vlỽydyn honno. y bu ua+
rỽ griffri uab gỽynn. Y vlỽyd+
yn rac·wyneb y bu uarỽ ma+
redud uab grufud uab rys
brenhin keredigyaỽn ac ystrat
tywi a|dyuet. gỽr oed diruaỽr
y drugared ỽrth dlodyon. ac ar+
derchaỽc y gedernyt ỽrth y ely+
554
nyon. A chyuoethaỽc y gyfy+
aỽnder. Y vlỽydyn honno y
bu uarỽ geffrei escob ỻan daf
ar offeren Jarỻ henford. Y
vlỽydyn rac·wyneb pan gigl+
eu rys uab gruffud bot ow+
ein gỽyned y ewythyr yn
dyuot a ỻu ganthaỽ y ge+
redigyaỽn. yn|dilesc y kyn+
nuỻaỽd ynteu lu ac y doeth
hyt yn aber dyui. ac yno y
gorffowyssaỽd ar|uedyr ymlad
a rodi brỽydyr y owein gỽy+
ned a|e lu. Ac ny bu beỻ gỽe+
dy hynny yny wnaeth yno
gasteỻ. Y vlỽydyn honno y
gỽnaeth madaỽc uab mare+
dud arglỽyd powys gasteỻ
yg|kaer einyaỽn yn ymyl kym+
mer. Y vlỽydyn honno y dieng+
his meuric uab grufud nei
y|r dywededic uadaỽc o|e garch+
ar. Ny bu beỻ wedy hynny
yny gyssegrỽyt eglỽys ueir
ym meiuot. Y vlỽydyn rac+
wyneb y|duc henri vab yr am+
herodres vrenhin ỻoegyr. wyr
oed hỽnnỽ y henri vab gỽi+
lym bastart diruaỽr lu hyt
ym maestir kaer ỻeon ar|ue+
dyr darostỽg idaỽ hoỻ wyned.
ac yno y|pebyỻyaỽd. ac yna
wedy galỽ o owein tywyssaỽc
gỽyned attaỽ. y veibyon a|e
nerth a|e aỻu. pebyỻyaỽ a|oruc
| « p 126v | p 127v » |