Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 111 (Llyfr Coch Hergest) – tudalen 135v

Breuddwyd Rhonabwy

135v

558

ffenitwyd. ac a|oed velyn o·honei
a oed kyn uelynet a blodeu y banadyl.
a rac druttet y|gỽelynt y marchaỽc.
dala ofyn a wnaethant a dechreu ffo.
ac eu|hymlit a|oruc y marchaỽc. a
phan|rynnei y march y anadyl y
ỽrthaỽ y peỻaei y gỽyr y ỽrthaỽ.
A phan y tynnei attaỽ y nesseynt ỽ+
ynteu attaỽ hyt ym|bron y march.
a|phan y|gordiwedaỽd erchi naỽd a|o+
rugant idaỽ. Chỽi a|e keffỽch yn|ỻaỽ+
en. ac na vit ofyn arnaỽch. Ha|vnbenn
kan rodeist naỽd ynn. a|dywedy ynn
pỽy ỽyt heb·y ronabỽy. Ny|chelaf ra+
got vyg|kystlỽn. Jdaỽc uab mynyo.
Ac nyt o|m henỽ y|m clywir yn vỽyaf.
namyn o|m|ỻysenỽ. a|dywedy di ynni
pỽy dy lyssenỽ. dywedaf. Jdaỽc cord
prydein y|m gelwir. Ha|vn·benn heb+
y ronabỽy pa|ystyr y|th elwir ditheu
veỻy. Mi a|e dywedaf itt yr ystyr. vn
oedỽn o|r kenadeu yg|kat|gamlan y+
rỽng arthur a medraỽt y nei. a gỽr
ieuanc drythyỻ oedỽn i yna. ac rac
vy chwannocket y vrỽydyr y|tervysgeis
y·rygtunt. Sef y ryỽ teruysc a|orugum.
pan ym gyrrei. i. y|r amheraỽdyr arthur
y venegi y vedraỽt y uot yn|datmaeth
ac yn|ewythyr idaỽ. ac rac ỻad meibon
teyrned ynys prydein a|e gỽyrda y
erchi tag  nefed. A|phan dywet+
tei arthur yr ymadraỽd teckaf ỽrth+
yf o|r a|aỻei. y|dywedwn ynneu yr
ymadraỽd hỽnnỽ yn|haccraf a aỻỽn
ỽrth vedraỽt. ac o hynny y gyrrwyt
arnaf ynneu idaỽc cord|brydein. ac o
hynny yd|ystovet y gatgamlan. Ac eis+
soes teirnos kynn gorffen y gatgam+
lan. yd|ymedeweis ac|ỽynt.  Ac y
deuthum hyt ar y|ỻech las ym|prydein
y penytyaỽ. Ac yno y bum seith|mly+
ned yn|penydyaỽ. A|thrugared a|gefeis.
ar hynny nachaf y clywynt tỽryf
oed vỽy o laỽer no|r tỽrỽf gynt. A|phan
edrychassant tu a|r tỽryf. nachaf was
melyngoch ieuanc heb varyf a|heb

559

draỽssỽch arnaỽ. A gosged dylyedaỽc
arnaỽ y ar varch maỽr. Ac o penn
y|dỽy ysgỽyd. a thal y|deulin y|waeret
y|r march yn velyn. a|gỽisc ymdan
y gỽr o|pali coch gỽedy ry|wniaỽ a
sidann melyn. a godreon y|ỻen yn
velyn. ac ar|a|oed velyn o|e|wisc ef
a|e varch a|oed kyn|uelynet a blodeu
y banadyl. ac a oed goch o·honunt
yn|gyn|gochet a|r gỽaet cochaf o|r
byt. Ac yna nachaf y marchaỽc yn
eu|gordiwes. ac yn|gofyn y Jdaỽc a
gaffei ran o|r|dynyon bychein hynny
gantaỽ. Y ran a|weda ymi y rodi
mi a|e rodaf. bot yn|gedymdeith u+
dunt ual y bun* ynneu. a hynny
a|oruc y marchaỽc a mynet ymeith.
Jdaỽc heb·y ronabỽy pỽy oed y mar+
chaỽc hỽnn. Rỽaỽn bybyr uab deor+
thach wledic. Ac yna y kerdassant
ar traỽs maes maỽr ar·gygroec.
hyt yn ryt y groes ar hafren. a miỻ+
tir y ỽrth y ryt o pob tu y|r fford y
gỽelynt y ỻuesteu a|r|pebyỻeu. a|dy+
gyfor o|lu maỽr. Ac y lan y ryt y
deuthant. Sef y gỽelynt arthur
yn eisted myỽn ynys wastat is y
ryt. ac o|r neiỻparth idaỽ betwin
escob. ac o|r parth araỻ gỽarthegyt
vab kaỽ. a|gỽas gỽineu maỽr yn
seuyỻ rac eu|bronn. a|e gledeu trỽy
y wein yn|y laỽ. A pheis a|chapan o
pali purdu ymdanaỽ. Ac yn|gyn
wynnet y wyneb ac ascỽrn yr elif+
fant. ac yn gyn|duet y aeleu a|r mu+
chud. Ac ny welei dyn dim o|e ard+
ỽrn y·rỽng y venic a|e lewys. Gỽyn+
nach oed no|r alaỽ. a|breisgach oed
no mein eskeir milỽr. ac yna dyuot
o Jdaỽc ac ỽynteu y·gyt ac ef hyt
rac bronn arthur. a chyfarch gỽeỻ
idaỽ. Duỽ a|rodo da ytt heb·yr arthur.
Pa|du idaỽc y keueist di y|dynyon
bychein hynny. Mi a|e keueis arglỽ+
yd uchot ar y|ford. SSef a|oruc yr am+
heraỽdyr glas owenu. arglỽyd heb