Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 129r

Brut y Tywysogion

129r

561

agharat gwreic ruffud uab ky+
nan. Y vlỽydyn honno y bu ua+
rỽ meuric escob bangor. Y vlỽy+
dyn honno y goresgynnaỽd how+
el uab Jeuaf o dỽyỻ gasteỻ da+
ualwern yg|keueilaỽc. Ac o ach+
aỽs hynny y syrthyaỽd owein
gỽyned yg|kymeint o dolur
ac na aỻei na thegỽch teyrnas.
na didanỽch neb·ryỽ dim y araf+
hau na|e dynnu o|e gymeredic
lit. Ac eissyoes kyt kyrchei an+
niodefedic dristit vedỽl owein.
Deissyfyt lewenyd o racwele+
digaeth duỽ a|e kyfodes. Kanys
yr vn·ryỽ owein a|gyffroes vn+
ryỽ lu y arỽystli hyt yn ỻann
dinan. A gỽedy kaffel diruaỽr
anreith o·nadunt. ymgynuỻ+
aỽ a|oruc gwyr arỽystli amgy+
lych trychant gyt a howel uab
Jeuaf eu harglỽyd y ymlit yr
anreith. A phan weles owein y
elynyon yn dyuot yn deissyfyt.
annoc y wyr y ymlad a|oruc.
a|r gelynyon a ymchoelassant
ar fo gan eu ỻad o owein a|e
wyr yny vu vreid y dienghis y
traean adref ar fo. a phan gyf+
lenwis y ỻewenyd hỽnnỽ vedỽl
owein. Yna yd ymchoelaỽd ar y
gyssefin ansaỽd gỽedy y rydhau
o|e gymeredic dristit. ac atgywei+
ryaỽ y casteỻ a|oruc. Y vlỽydyn
rac·wyneb y dygỽydaỽd kaer offa

562

y gan owein uab gruffud uab
owein uab madaỽc. a mare+
dud uab howel. Y vlỽydyn
honno y kyffroes henri vren+
hin ỻoegyr lu yn erbyn de+
heubarth. ac y doeth hyt
ym|penn kadeir. A gỽedy rodi
gỽystlon o rys idaỽ. ymchoe+
lut y loegyr a|wnaeth. Ac yna
y ỻas einyaỽn uab anaraỽt
yn|y gỽsc y gan waỻter uab
ỻywarch y wr e|hun. ac y ỻas
cadỽgaỽn uab maredud. Ac
yna y kymerth rys uab gruf+
fud y cantref maỽr a chas+
teỻ dinefỽr. Y ulỽydyn honno
y bu uarỽ kediuor uab dani+
el archdiagon keredigyaỽn.
ac yna y bu uarỽ henri uab
arthen. goruchel athro ar
hoỻ gyffredin yr ysgolheigy+
on. Y vlỽydyn rac·wyneb
gỽedy gỽelet o rys uab gruf+
fud. nat yttoed y brenhin
yn kywiraỽ dim ỽrthaỽ o|r
a adaỽssei. ac na aỻei ynteu
vuchedockau yn aduỽyn
kyrchu yn wraỽl am|benn
kyuoeth roser Jarỻ clar
y gỽr y ỻadyssit einyaỽn
uab anaraỽt y nei o|e achaỽs
a thorri casteỻ aber reida+
ỽl. a chasteỻ mab wynyaỽn
a|e ỻosgi. ac at·oresgyn hoỻ
geredigyaỽn. a mynychu