LlGC Llsgr. Peniarth 19 – tudalen 135r
Brut y Tywysogion
135r
585
merchyr y ỻudỽ. a goresgyn ka+
erussalem. a chymeint ac a|ga+
ỽssant o gristonogyon yndi.
ỻad rei a|wnaethant. a|dỽyn
ereiỻ yg|keithiwet. ac o achaỽs
hynny y kymerth phylip vren+
hin freingk. a henri vrenhin
ỻoegyr. ac archesgob keint. ac
an·eiryf o luossogrỽyd cristono+
gyon arwydon croes grist ar+
nunt. Y vlỽydyn rac·wyneb y
bu varỽ henri vrenhin. ac yn|y
ol ynteu y coronhawyt Rickart
y vab yn vrenhin. Y marchaỽc
goreu a glewaf. Y vlỽydyn hon+
no y goresgynaỽd yr arglỽyd rys
gasteỻ seint cler. ac aber corran
a ỻann ystyphan. Y vlỽydyn
honno y delit maelgỽn uab
rys y gan y|dat drỽ gynghor
rys y vraỽt ac y carcharỽyt.
D Eng|mlyned a phedwar
ugeint a chant a mil oed
oet crist. pan aeth phylip vren*
freingk. a Rickart vrenhin ỻoegyr.
ac archesgob keint. a|diruaỽr
luossogrỽyd o Jeirỻ ygyt ac
ỽynt a|barỽneit a marchogyon
y gaerusalem. Yn|y vlỽydyn
honno yd adeilaỽd yr arglỽyd
rys gasteỻ kedweli. ac y bu ua+
rỽ gỽenỻian verch rys blodeu
a thegỽch hoỻ gymry. Y vlỽyd+
yn rac·wyneb y bu uarỽ grufud
maelaỽr yr|haelaf o holl dywys+
586
sogyon kymry. Y vlỽydyn hon+
no heuyt y bu uarỽ gỽiaỽn
esgob bangor. gỽr maỽr y|gre+
uyd a|e enryded a|e deilygdaỽt.
ac y bu diffyc ar yr heul. Ac
yna y bu uarỽ archesgob ke+
int. Ac yna y ỻas einyaỽn
o|r porth y|gan y vraỽt. ac y
goresgynnaỽd yr|arglỽyd rys
gasteỻ niuer. ac yna y bu
uarỽ einyaỽn uab rys yn
ystrat flur. Y vlỽydyn rac+
wyneb y dienghis madaỽc
uab rys o garchar arglỽyd
brecheinyaỽc. ac y goresgyn+
naỽd yr arglỽyd rys gasteỻ
ỻan y hadein. ac y bu uarỽ
grufud uab kadỽgaỽn. Y vlỽy+
dyn rac·wyneb y|delis nebun
Jarỻ Rickart vrenhin ỻoegyr
ac ef yn dyuot o gaerussalem.
ac y|dodet yng|karchar yr|am+
heraỽdyr. ac thros ˄y oỻỽng od+
yno y bu diruaỽr dreth dros
wyneb hoỻ loegyr. Yn|gyme+
int ac nat oed yn helỽ eglỽys+
wyr na chreuydwyr nac eur
nac aryant. hyt yn|oet y ca+
regleu. a|dodrefyn yr eglỽyss+
eu ar|ny orffei y dodi oỻ ym
medyant sỽydogyon y brenhin
a|r deyrnas ỽrth y rodi drostaỽ.
Y vlỽydyn honno y|darostyng+
aỽd Rodri uab owein ynys
von. drỽy nerth gỽrthrych
| « p 134v | p 135v » |