Llsgr. Philadelphia 8680 – tudalen 35v
Brut y Brenhinoedd
35v
59
o arthur. Rannu y lu a|o+
ruc yn|deu hanner. Y neiỻ
rann o|e|lu a rodes y|howel
uab emyr ỻydaỽ. ỽrth uy+
net y darestỽng gỽitart tyỽ+
yssaỽc peitaỽ. Ac ynteu e
hun a|r rann araỻ gantaỽ
y oreskyn y gỽladoed ereiỻ
yn eu kylch. Ac yn|y|ỻe
y deuth howel uab emyr
ỻydaỽ y|r wlat. ef a|gyrcha+
ỽd y keyryd a|r dinassoed.
A gỽittart gỽedy ỻaỽer
o ymladeu yn oualus a
gymheỻỽys y ỽrhau y ar+
thur. Ac odyna gỽasgỽin
o fflam a hayarn a|anreith+
aỽd. a|e thywyssogyon a
darestygaỽd y arthur.
A gỽedy ỻithraỽ naỽ mly+
ned heibaỽ. a daruot y
arthur oresgyn hoỻ wlado+
ed freinc ỽrth y uedyant
e|hun. ef a|deuth elchỽyl y
baris. ac yno y dellis lys.
Ac yno gỽedy galỽ paỽp o|r
60
yscolheigyon a|r|ỻeygyon.
Cadarnhau a|wnaeth ansa+
ỽd y deyrnas. a|gossot kyfrei+
theu. a|chadarnhau hedỽch
dros yr hoỻ deyrnas.
Ac yna y rodes ef y uedwyr
y bentruỻyat normandi a
fflandrys. ac y gei y benn+
sỽydỽr y rodes ef yr angiỽ a
pheittyaỽ. a ỻaỽer o|wlado+
ed ereiỻ y|r|dylyedogyon ereiỻ
a|oedynt yn|y wassanaethu.
Ac odyna gỽedy hedychu a
thagneuedu pob ỻe o|r|dinas+
soed a|r pobloed ueỻy. Pan yt+
toed y gỽannỽyn yn|dyuot
arthur a ymchoelawd y ynys
prydeiN.
A C ual yd|oed gỽylua y
sulgỽyn yn|dyuot gỽe+
dy y ueint uudugolaetheu
hynny o pob ỻe. Y·gyt a|dirua+
ỽr lewenyd. ef a uedylyaỽd da+
la ỻys yn ynys prydein. a gỽ+
isgaỽ y goron am y penn. a
gỽahaỽd attaỽ y brenhined
| « p 35r | p 36r » |