Breudwd Rhyddiaith Gymraeg 1300-1425
English

LlGC Llsgr. Peniarth 19 – tudalen 142v

Brut y Tywysogion

142v

615

ruuein. Ac yno yd atnewydỽyt
kyfreitheu yr|eglỽys. ac yd ym+
gyghoret am rydhau kaerus+
salem. a daroed y|r sarascinyeit
y chywarsagu yr ys talym o
amser kynno hynny. Y vlỽydyn
honno y kynuỻaỽd ỻywelyn
uab Jorwerth a chyffredin
tywyssogyon kymry diruaỽr
lu hyt yg|kaer vyrdin. a|chynn
penn y pymhet dyd y cafas y
casteỻ ac y bỽryaỽd y|r ỻaỽr. ac
odyna y torrassant gasteỻ ỻan
ystyphan. a thalacharn a seint
cler. ac odyna nos·wyl thomas
ebostol yd aethant y geredigy+
aỽn. ac ymlad a|r casteỻ a|oru+
gant. Ac yna y|gỽrhaaỽd gỽyr
kemeis y lywelyn uab Jorw+
erth. ac y rodet idaỽ gasteỻ
trefdraeth. a hỽnnỽ o gyffre+
din gyghor a|essigỽyt. A phan
weles casteỻwyr aber teiui
na eỻynt gynhal y casteỻ y
rodi a|wnaethant y lywelyn
duỽ gỽyl ystyphan. A thranno+
eth duỽ gỽyl Jeuan ebostol y
rodet casteỻ kilgerran idaỽ.
ac odyna yd ymchoelaỽd ỻyw+
elyn uab Jorwerth a hoỻ dywys+
sogyon kymry a|oedynt gyt ac
ef yn|hyfryt lawen y|ỽ|gỽladoed
drachefyn drỽy uudugolyaeth.
a ỻyma enweu y tywyssogyon
a vuant yn yr hynt honno o

616

wyned. ỻywelyn uab Jorwerth
tywyssaỽc gỽyned. a howel uab
gruffud uab kynan. a ỻywelyn
uab maredud uab kynan. ac o
bowys gỽenỽynwyn uab owein
keueilaỽc. a maredud uab rotpert
o gedewein. a theulu madaỽc
uab grufud maelaỽr. a|deu uab
maelgỽn uab kadwaỻaỽn o|de+
heubarth. Maelgỽn uab rys. a
rys gryc y vraỽt. a rys ieuangk
ac owein veibyon gruffud uab
rys. a ỻyma enweu y kestyỻ a
oresgynnỽyt ar yr hynt honno.
Nyt amgen. casteỻ sein henyd.
casteỻ ketweli. kaer vyrdin. ỻan
ystyphan. Seint cler. Talacharn.
Trefdraeth. aber teiui. kilgerran.
ac y|r hynt honno y bu araf
hedỽch a thegỽch hinon y gaeaf
hỽnnỽ hyt na|welet eiryoet
kynno hynny y kyfryỽ hinda
honno. Ac yna y bu gyfran o tir
y·rỽng maelgỽn uab rys. a rys
gryc y vraỽt. a rys ac owein
meibyon grufud uab rys yn
aber dyui. geyr bronn ỻywelyn
uab Jorwerth wedy dyvynnu y+
gyt hoỻ dywyssogyon kymry
a hoỻ doethon gỽyned. ac y ua+
elgỽn uab rys y doeth tri chan+
tref o dyuet. Nyt amgen y can+
tref gỽarthaf. a chantref kem+
eis. a chantref emlyn. a phelun+
yaỽc a chasteỻ kilgerran. ac