Breudwd Rhyddiaith Gymraeg 1300-1425
English

LlGC Llsgr. Peniarth 5 (Llyfr Gwyn Rhydderch, rhan 1) – tudalen 73v

Ystoria Carolo Magno: Chronicl Turpin

73v

61

a|chant. O gyssegrediccaf vydin
ymladỽyr crist kyny lado cled  ̷+
yf eu gledyf gelyn ỽy. eissoes ny|choll  ̷+
assant palym y uudugolyaeth.
ac yna y|goresgynnỽys charlys
mynyd garzarim a|r holl o nauar+
ri yn|y eidaỽ e|hun ỽrth y gristo+
nogaeth. ~ ~ ~
A C yna y kennattaỽyd y
charlys bot yn nager ca  ̷+
ỽr. ferracut y enỽ o gene+
dyl goliath. a doeth o eithauoed
siria gỽlat. ac anuonassei a+
milald brenhin babilon y ryue+
lu. a charlys. ac vgein mil o|e
genedyl gantaỽ. nyt oed ar
hỽnnỽ ofyn na gỽayỽ na chledyf
na saeth kynny bei namyn ar|y
deugeinuet o|ỽyr kadarnn. Ac
yna y kyrchỽys charlys hyt yn
nager. a phan adnabu ferracut
y|dyuodyat. y doeth allan o|r ga+
er. y gynnic ymlad ac* vn ac vn.
ac yna yd anuones charlys o  ̷+
ger o denmarc idaỽ. a phan y|ar+
gannuv y caỽr ef yn|y maes kyr+
chu attaỽ a|oruc yn|ysgaelus a|e
gymryt yn|y holl aruev y·dan
y vreich dehev a|e dỽyn yg|gỽyd
paỽb hyt y|gaer yn vn agỽed a
chyt bei dauat ỽar. Y veint oed.
deudec cufyt yn|y hyt. a|chufyt
yn hyt y ỽyneb. a|dyrnved idaỽ
e|hun yn hyt y|dỽrnn*.  pedeir cuf+
yt yn hyt y vreichev. a|e ysgei+
red. a their dyrnued yn hyt y

62

vyssed. Odyna yd anuonet at+
taỽ ar vedỽl ymlad ac ef. Rei+
nallt o|r dreinỽen. ac yn dian+
not y|duc yntev y|gharchar
y|r castell. Odyna yd anuonet
constans vrenhin ruuein. a
hyỽel iarll. ac ỽynteỽ vn adan
y|vreich dehev. a|r llall adan yr
asseu a|duc y|r castell. Odyna
yd anuonet pob deu ỽr. yny
vu vgeint. a rei hynny heuyt
a orchymynnỽys yg|karchar.
A|gỽedy gỽelet o charlys hyn+
ny. a ryuedu ac ef a|e niuer
hynny. ny lauassaỽd anuon
attaỽ o hynny allan. ac eisso+
es ỽedy caffel o rolond tyỽys  ̷+
saỽc ymladev o|vreid gannyat
y|gan charlys y doeth y ymlad
a|r caỽr. ac aryneigus oed char+
lys ymdanaỽ rac y|ieuaget. ac
yntev ym* amgeledus ymdanaỽ
ef. gỽediaỽ ar|y arglỽyd a oruc
ar gadarnnhav y|nei o|e nerth
e|hun. A|phan ỽelas y caỽr ro+
lont yn dyuot attaỽ y|ysglyf+
yeit a|ỽnaeth a|e laỽ dehev mal
y lleill a|e dynnv y|ar y varch
y·rygthaỽ a|r goryf. A phan
yttoed yn|y arỽein parth a|r ca+
stell galỽ y|nerthoed a oruc ro+
lond ac ymauel a|r caỽr erbyn
y vreuant gan ymdiret yn duỽ
ac ymhoelut y|ỽdỽc yn|y wegil
ar|y varch. a chỽympaỽ yll dev
hyt y llaỽr y|ar y|meirch. ac yn  ̷